Швейцариялыктар калктын санын 10 миллион адамга чейин чектөө демилгесин четке какты - UPDATE

Швейцарияда өткөн референдумда шайлоочулар өлкөнүн калкынын санын 10 миллионго чейин чектөө демилгесин четке кагышты. Бул тууралуу Reuters агенттиги билдирди Алдын ала жыйынтыктар боюнча, шайлоочулардын 55% жакыны бул демилгеге каршы добуш берсе, 45%ы колдоду. Референдумду оңчул Швейцариянын Элдик партиясы (SVP) сунуштаган Швейцариянын жарандары жекшемби күнү өлкөнүн калкынын санын 2050-жылга чейин 10 миллионго чейин чектөө сунушуна добуш беришти Бул тууралуу Reuters агенттиги билдирди Бул сунушту оңчул Швейцариянын элдик партиясы (SVP) алдыга чыгарды. Партия калктын тез өсүшү өлкөнүн инфраструктурасына, турак-жай рыногуна, социалдык кызматтарга жана жаратылыш ресурстарына кошумча жүктү жаратат деп эсептейт Демилгеге ылайык, Швейцариянын туруктуу калкынын саны 2050-жылга чейин 10 миллион адамдан ашпашы керек. Учурда өлкөдө болжол менен 9,1 миллион адам жашайт жана 2040-жылдардын башында 10 миллионго жетет деп болжолдонууда Долбоордо калктын саны 9,5 миллионго жеткенден кийин өкмөт иммиграция эрежелерин катаалдашы керек деп айтылат. Бул өзгөртүүлөр негизинен башпаанек жана үй-бүлөнү бириктирүү эрежелерине таасир этиши мүмкүн. Эгерде калктын саны 10 миллиондон ашса, өкмөт калктын санынын өсүшүнө таасирин тийгизген эл аралык келишимдерди кайра карап чыгышы керек. Анын ичинде Евробиримдик менен адамдардын эркин жүрүүсү боюнча келишим бар Швейцариянын өкмөтү менен парламенти бул демилгеге каршы. Алар бул кадам экономикага зыян келтирип, квалификациялуу жумушчу күчүнүн жетишсиздигин жаратып, Евробиримдик менен мамилени татаалдаштырышы мүмкүн деп эсептешет. Бир катар ири компаниялар да референдумдун мүмкүн болуучу жыйынтыгына кооптонууда Референдумдун жыйынтыгы Швейцариянын келечектеги иммиграция саясатына жана Европа менен болгон мамилесине олуттуу таасирин тийгизиши мүмкүн. Айрым серепчилер бул добуш берүүнү өлкөнүн акыркы жылдардагы эң маанилүү саясий чечимдеринин бири катары баалап жатышат