Израилдин Ливанга жасаган чабуулдарынан кийин Иран менен АКШнын ортосундагы тынчтык келишиминин датасы белгисиз бойдон калууда

АКШ менен Ирандын ортосунда жүрүп жаткан сүйлөшүүлөрдө эки тарап мүмкүн болгон келишимге жакындашты, бирок документке качан кол коюлары белгисиз бойдон калууда Бул тууралуу Reuters агенттиги билдирди Маалыматка ылайык, АКШ президенти Дональд Трамп менен ортомчу ролун ойногон пакистандык тарап алгачкы алкактык келишимге жекшемби күнү кол коюлушу мүмкүн экенин айтышканы менен, Тегеран бул процесстин мөөнөтүнө этият мамиледе. Ирандын Тышкы иштер министрлигинин басма сөз катчысы Исмаил Багай келишимге ошол эле күнү кол коюларын ырастаган жок, бирок бул жакынкы күндөрдө болушу мүмкүн экенин жокко чыгарган жок Рейтер агенттиги Катардын ортомчулары жекшемби күнү эртең менен Тегеранга келип, сүйлөшүүлөрдү жыйынтыктоо аракеттерин улантканын жазды. Ошол эле учурда Израилдин Бейруттун түштүгүндөгү Дахия аймагына жасаган соккулары процесстин жүрүшүнө терс таасирин тийгизди. Ирандын расмий өкүлү Мохаммад Бакыр Галибаф бул чабуулдар АКШнын өз милдеттенмелерин аткарууга эрки жана жөндөмү тууралуу суроолорду жаратат деп билдирди