"Израилдин Голан конуш планы согуш кылмышы"

Human Rights Watch уюму Израилдин Сириянын оккупацияланган аймагы болгон Голан дөңсөөлөрүндөгү мыйзамсыз конуштарды кеңейтүү долбоорун тыкыр иликтеп чыкты Расмий билдирүүдө миңдеген жаңы отурукташуучунун аймакка көчүрүлүүсүн караган бул демилге эл аралык укуктун алдында чоң бузуу жана согуш кылмышы катары бааланды. Аймактан сүргүнгө айдалган сириялыктардын өз жерлерине кайтып келишин алдын алуу үчүн даярдалган 334 миллион долларлык бюджеттин Израиль өкмөтүнүн бекитилиши бул кылмыштын түздөн-түз каржыланышы болуп саналат Тель-Авив башкаруусу 2030-жылга чейин бүтүрүүнү максат кылган жалган планда 3 миң жаңы отурукташуучу үй-бүлөнү басып алган Голан дөңсөөлөрүнө өткөрүүнү максат кылууда. Human Rights Watch уюму Израилдин бул долбоорду түздөн-түз каржылоосу “согуш кылмышын каржылоого” барабар экенин ачык-айкын баса белгиледи Израилдин финансы министри Безалел Смотрихтин Катзрин жана Голан аймактарына болжол менен 1 миллиард жаңы израилдик шекел өлчөмүндө эбегейсиз чоң инвестиция жасала турганы жөнүндөгү мурунку жарыясы отурукташуу планынын экономикалык көлөмүн жана оккупацияны тереңдетүү ниетин дагы бир жолу ачыкка чыгарды. Уюм бул кадамдардын Сирия жеринин басып алынышын туруктуу кылуу аракети экенин белгилеп, эл аралык укуктун негизинде мыйзамсыз долбоордун укуктук натыйжаларына көңүлдөрдү бурду