IsDBI: Учурда дүйнөлүк исламдык каржылоо индустриясы 4 триллион долларга бааланат

Учурда дүйнөлүк исламдык каржылоо индустриясынын көлөмү болжол менен 4 триллион АКШ долларына бааланат Бул тууралуу Ислам Өнүктүрүү Банкы Институтунун (IsDBI) башкы директорунун милдетин аткаруучу Сами Аль-Сувайлем Ислам өнүктүрүү банкы тобунун (ИӨБ) жылдык жыйындарынын алкагында өтүп жаткан Ислам каржылоосу боюнча 20-ИӨБ глобалдык форумунда билдирди Анын айтымында, Ислам өнүктүрүү банкы тобунун жалпы көлөмү 40 миллиард АКШ долларын түзөт. "Бул чоңдугу жагынан ИсDB тобу дүйнөлүк исламдык каржылоо индустриясынын 0,1 пайызын гана түзөт дегенди билдирет. Бирок топтун таасири анын көлөмүнөн алда канча көп", - деди ал Сами Аль-Сувайлем ИсDB Тобу түзүлгөндөн бери исламдык финансы тармагынын өнүгүүсүндө алдыңкы ролду ойногонуна токтолду: "IsDB Group 50 жылдан ашык убакыттан бери тармактын лидери болуп келген жана мындан ары да улантууда. Бул факт топтун лидерлигин сан менен эмес, сапат менен камсыз кылып жатканын көрсөтүп турат" Ал белгилегендей, Ислам өнүктүрүү банкы тобунун ишмердүүлүгү бир гана каржылоо менен чектелбестен, ислам каржылоосун өнүктүрүүгө, билим алмашууга, институционалдык потенциалды чыңдоого жана мүчө өлкөлөрдүн ортосундагы кызматташтыкты кеңейтүүгө багытталган