Ирандын Тышкы иштер министрлиги: Чыныгы тынчтык мазактоого жана коркутууга негизделбейт

Чыныгы тынчтык мазактоого, коркутуп-үркүтүүгө жана опузалоого курулбайт Бул тууралуу Ирандын тышкы иштер министринин орун басары Казим Гарибабади "X" социалдык түйүнүндөгү баракчасына жазды «Согушка, блокадага, санкцияларга жана күч менен коркутууга түздөн-түз катышкан тарап Ирандын жообун четке кагат», - деген ал негизги көйгөй тынчтык эмес, саясий эркти коркутуу жана басым аркылуу кабыл алуу экенин кошумчалады "Иран так принциптерге басым жасайт: согушту биротоло токтотуу жана анын кайталанышына жол бербөө, келтирилген зыяндын ордун толтуруу, блокаданы алып салуу, мыйзамсыз санкцияларды алып салуу жана Ирандын укуктарын сыйлоо. Бул максималисттик талаптар эмес. Бул эч кандай олуттуу, туруктуу жана БУУнун Уставына ылайык келген келишимдин минимуму Ирандын тышкы иштер министринин орун басары ок атышууну токтотуу жана блокаданы улантуу тууралуу сөз кылуу мүмкүн эмес экенин кошумчалады "Бул дипломатиялык риторика жамынган мажбурлоо саясатынын уландысы", - деп баса белгиледи Гарибабади Эске сала кетсек, 28-февралда АКШ менен Израил Иранга каршы аскердик операциясын баштап, бир катар шаарларга абадан сокку урулган. Ошол эле күнү Ирандын жогорку лидери Али Хаменеи соккулардын натыйжасында өлтүрүлгөн. Буга жооп кылып Иран Израилдин аймагына ракеталык сокку уруп, Перс булуңундагы өлкөлөрдөгү АКШнын аскерий базаларына чабуул жасады Иран, АКШ жана алардын союздаштары 8-апрелге караган түнү ок атышпоо келишимине жетишти.Трамп кийин ок атышпоо келишимин белгисиз мөөнөткө узартты Тараптар Пакистанда жаңжалды жөнгө салуу боюнча сүйлөшүүлөрдү жүргүзгөн, бирок 11-12-апрелде өткөн биринчи айлампада эч кандай жыйынтык чыккан эмес АКШ Тегеранга кысым көрсөтүү үчүн Ирандын портторун жана Ормуз кысыгы аркылуу өтүүчү жолдорду блокадага алды. Иран өз кезегинде Перс булуңуна бара турган кемелер үчүн Ормуз кысыгын блокадага алганын жарыялады. Аймактагы динамикалуу өзгөрүп жаткан кырдаал глобалдык энергетикалык кризисти жаратты Аларды колдонууда сайттагы материалдарга кайрылуу маанилүү. Веб-баракчаларда маалымат колдонулганда, гипершилтеме менен шилтеме милдеттүү болуп саналат