Иранда аятолла Али Хаменеи өлгөндөн төрт ай өткөндөн кийин жаназа өтөт

Ирандын мурдагы жогорку лидери Али Хаменеинин сөөгү кичи мекени Мешхедде 9-июлда коюлат. Бул тууралуу IRIB мамлекеттик телерадиокомпаниясы билдирди, деп маалымдайт Reuters Коштошуу жөрөлгөсү 4-июлда Тегеранда башталып, бир нече күнгө созулат. Маркумду акыркы сапарга узатуу зыйнаты Тегерандан 140 км түштүктө жайгашкан шиит исламынын негизги диний борборлорунун бири болгон Кум шаарында да өтөт IRIB агенттигинин маалыматына ылайык, аземдер 4, 5 жана 6-июлда Тегеранда, 7-июлда Кум шаарында, 9-июлда Хаменеинин сөөгү Ирандын түндүк-чыгышындагы Мешхед шаарында жерге берилет Маркумду акыркы сапарга узатуу зыйнаты алгач март айына пландалган, бирок АКШ, Израил жана Ирандын ортосундагы согуштан улам кийинкиге калтырылган Аятолла Али Хаменеи АКШ менен Израилдин Иранга жасаган соккуларынын биринчи күнү, 28-февралда өлтүрүлгөн. Аны менен кошо кызы, небереси, келини, күйөө баласы да каза болгон. 9-мартта Эксперттер кеңеши Можтаба Хаменеини Ислам Республикасынын жаңы жогорку лидери деп жарыялады 8-апрелде Аятолланын өлгөнүнө 40 күн болду. Шиа салтында бул дата аза күтүүнүн негизги мезгилинин бүтүшү деп эсептелет Маркумду акыркы сапарга узатуу зыйнатына даярдык жүрүп жаткан маалда Иран жакынкы күндөрү АКШ менен тынчтык орнотуу боюнча алкактык келишимге кол кое аларын билдирди. Ошол эле учурда Тегеран пакистандык ортомчунун документке жакынкы 24 сааттын ичинде кол коюлат деген билдирүүсүн четке какты Буга чейин АКШ менен Иран үч айга созулган согушту токтотуу боюнча келишим аяктоого аз калганын билдиришкен. АКШ администрациясынын өкүлүнүн айтымында, тараптар документтин тексти боюнча буга чейин макулдашышкан жана Вашингтон жакынкы күндөрү алдын ала келишимге кол коюуну күтүүдө