Иран: "Бул туура эмес..."

Иран менен АКШнын Исламабаддагы сүйлөшүүлөрү Тегерандын өзөктүк куралга ээ болуу каалоосунан улам жыйынтыксыз аяктады деген билдирүүлөр чындыкка дал келбейт, деп билдирет Associated Press атын атагысы келбеген ирандык аткаминерге таянып "Бул туура эмес. Ирандын позициясы ачык. Иран өзөктүк куралга умтулбайт, бирок өзөктүк энергияны тынчтык максатта колдонууга укуктуу. Бул укук талашсыз жана аны танууга болбойт", - деди ирандык расмий Анын айтымында, Тегеран ишенимди бекемдөө чараларынын алкагында өзөктүк чөйрөдөгү ишмердүүлүктү, анын ичинде өзөктүк материалдарды байытуу деңгээлин чектөөгө даяр. Бирок ал Иран менен АКШнын ортосундагы сүйлөшүүлөр эмне үчүн келишимге алып келбегенин айткан жок Жекшемби күнү эртең менен АКШ президенти Дональд Трамп Вашингтон менен Тегеран Ирандын өзөктүк программасы боюнча бир пикирге келе электигин билдирген Өз кезегинде пакистандык эки аткаминер AP агенттигине сүйлөшүү келишимге алып келбесе да, алар дагы эле биринчи оң кадам экенин жана аны “ийгиликсиз” деп атоого болбой турганын айтышты. Агенттиктин маектештери дипломатия акырындык менен жүрүп жаткан процесс экенин жана диалогдун аркасында тараптар «дипломатиялык каналдарды кайра ачууга» жетишкенин түшүндүрүштү Өз кезегинде, АКШ менен Ирандын ортосундагы байланыштарда ортомчу болгон Омандын тышкы иштер министри Бадр аль-Бусаиди согуштук аракеттерди болтурбоо үчүн мунасага келүү үчүн аларды “оорутуу үстөлгө барууга” чакырды