Ирандын жогорку лидери Хаменеи куралдуу күчтөргө жаңы көрсөтмө берди

Ирандын жогорку лидери Можтаба Хаменеи согуш учурунда берилген көрсөтмөлөр душмандардын максаттарына жетүүгө тоскоол болгонун белгилеп, душмандар менен күрөштү чечкиндүүлүк менен улантуу үчүн куралдуу күчтөргө жаңы көрсөтмөлөрдү берди Ирандын Революциялык сакчылар армиясынын Хатемул Анбия борбордук штабынын командири Али Абдуллахи Ирандын диний лидери Можтаба Хаменеи менен жолугушту. Жолугушууда Иран армиясынын, ИРККнын, полиция жана коопсуздук бөлүктөрүнүн, чек ара күчтөрүнүн, Коргоо министрлигинин жана Басиж күчтөрүнүн даярдыгы тууралуу кеңири отчет берилди. Абдуллахи жолугушууда Ирандын куралдуу күчтөрүнүн АКШ жана Израилдин демилгелерине каршы коргонуу жана чабуул коюу жөндөмдүүлүгү жагынан жогорку даярдыкта экенин белгилеп: «Ар кандай стратегиялык жаңылыштык, кол салуу же душмандык демилгелерге тез, катаал жана катуу жооп берилет»,-деди "Акыркы демибизге чейин коргойбуз" Куралдуу күчтөрдүн атынан Жогорку лидер Хаменеиге сүйлөгөн сөзүндө Абдуллахи: «Улуу жол башчынын буйруктарына толук берилгендик менен Ислам революциясынын идеалдарын, Ирандын эгемендүүлүгүн, улуттук кызыкчылыктарын жана ардактуу Иран элин өмүрүбүздүн баасы менен коргойбуз жана алардын акыркы деми калганга чейин сактайбыз»,- деди Хаменеинин жаңы көрсөтмөлөрү Жолугушууда Хаменеи куралдуу күчтөргө жасаган иштери үчүн ыраазычылык билдирип, согуш учурунда көрүлгөн чаралар маанилүү жеңиштерди алып келип, душмандардын өз максаттарына жетишине тоскоол болгонун билдирди. Хаменеи дагы күрөштөрдү улантуу жана душмандарга чечкиндүү туруштук берүү боюнча жаңы көрсөтмөлөрдү бергени кабарланды. - ТЕГЕРАН