Иран мөөнөт берди

Иран АКШ менен мындан аркы сүйлөшүүлөрдүн мөөнөтүн 60 күнгө узартты; Бул мөөнөт ичинде Тегеран Ормуз кысыгынан коопсуз өтүү үчүн кызматтардын акысын талап кылбайт. Бул тууралуу Fars агенттиги булакка таянуу менен билдирди Анын айтымында, Иран ушул 60 күндөн кийин бул кысыктагы коммерциялык кемелердин кыймылынан түшкөн каржылык кирешени өлкөнүн экономикалык өнүгүүсүнө пайдалануу үчүн коопсуздук, навигация, экология жана камсыздандыруу тармагында кызмат көрсөтүүнү көздөп жатат. Бул кызматтар Иран менен Оман тарабынан кемелерге көрсөтүлөт, деп кошумчалады агенттиктин маектеши Буга чейин ортомчу болуп жаткан АКШ, Иран жана Пакистандын расмий өкүлдөрү Вашингтон менен Тегерандын ортосунда келишим түзүлгөнүн тастыкташкан. Ага Женевада 19-июнда кол коюу пландалууда. Ирандын тышкы иштер министринин орун басары Казем Гарибабадинин айтымында, 60 күндүк элдешүү учурунда тараптар Тегерандын өзөктүк программасын талкуулашат, 15-июндан тарта АКШ тарабынан Иранды деңиз блокадасы аяктайт, ошондой эле бардык фронттор, анын ичинде согуштук операцияларга токтоосуз жана биротоло тыюу салынат