Иран АКШнын Пакистанга тынчтык сунушуна жооп жөнөттү

Америка Кошмо Штаттарынын согушту токтотуу үчүн сунуш кылган акыркы текстине Иран Ислам Республикасынын жообу бүгүн пакистандык ортомчуга жөнөтүлдү Бул тууралуу "Репорт" IRIB маалымат таратты "Тышкы иштер министрлигинин басма сөз катчысы буга чейин бир нече жолу Ирандын АКШнын сунуштарына жообу иликтөөлөр аяктап, акыркы тыянак чыгарылгандан кийин жөнөтүлөрүн айткан", — деп айтылат маалыматта Сунуш кылынган планга ылайык, бул этаптагы сүйлөшүүлөрдө аймактагы согушту токтотуу маселеси каралары белгиленди Эске сала кетсек, 28-февралда АКШ менен Израил Иранга каршы аскердик операциясын баштап, бир катар шаарларга абадан сокку урулган. Ошол эле күнү Ирандын жогорку лидери Али Хаменеи соккулардын натыйжасында өлтүрүлгөн. Буга жооп иретинде Иран Израилдин аймагына ракеталык сокку уруп, Перс булуңундагы өлкөлөрдөгү АКШнын аскерий базаларына сокку урду Иран, АКШ жана алардын союздаштары 8-апрелге караган түнү ок атышпоо келишимине жетишти.Трамп кийин ок атышпоо келишимин белгисиз мөөнөткө узартты Тараптар Пакистанда жаңжалды жөнгө салуу боюнча сүйлөшүүлөрдү жүргүзгөн, бирок 11-12-апрелде өткөн биринчи айлампада эч кандай жыйынтык чыккан эмес АКШ Тегеранга кысым көрсөтүү үчүн Ирандын портторун жана Ормуз кысыгы аркылуу өтүүчү жолдорду блокадага алды. Иран өз кезегинде Перс булуңуна бара турган кемелер үчүн Ормуз кысыгын блокадага алганын жарыялады. Аймактагы динамикалуу өзгөрүп жаткан кырдаал глобалдык энергетикалык кризисти жаратты Аларды колдонууда сайттагы материалдарга кайрылуу маанилүү. Веб-баракчаларда маалымат колдонулганда, гипершилтеме менен шилтеме милдеттүү болуп саналат