Иран АКШны деңиз блокадасына аскердик жооп кайтаруу менен коркутту

Ирандын Куралдуу Күчтөрү АКШнын Ислам Республикасынын деңиз блокадасына байланыштуу бардык аракеттерине аскердик жооп кайтарат Бул тууралуу «Репорт» «Фарс» агенттигине шилтеме берүү менен Иран парламентинин депутаты Али Хазарян билдирди «Мындан кийин АКШнын деңиз блокадасына Иран тарабынан аскердик жооп болот», - деди ал А.Хазарян ошондой эле Вашингтонго эсминецтерди жана алар чөгүп кетсе куткаруучу экипаждарды коргоо үчүн кошумча коштоо кемелерин жөнөтүүнү сунуштады Эске сала кетсек, 2026-жылдын 28-февралында АКШ менен Израил бир катар шаарларга абадан сокку уруу менен Иранга каршы аскердик операция баштаган. Буга жооп кылып Иран Израилдин аймагына ракеталык сокку уруп, Перс булуңундагы өлкөлөрдөгү АКШнын аскерий базаларына чабуул жасаган 8-апрелге караган түнү Иран, АКШ жана алардын союздаштары эки жумалык ок ​​атышпоо тууралуу макулдашты. 11-12-апрелде Исламабадда Пакистандын ортомчулугу менен Иран менен АКШнын сүйлөшүүлөрү өттү. Узакка созулган талкуудан кийин тараптар бир пикирге келе албай жолугушууну аякташты. АКШ президенти Дональд Трамп 22-апрелде ок атышпоо келишими мөөнөтсүз экенин жарыялады Анткен менен Тегеранга келишим түзүүгө кысым көрсөтүү үчүн АКШ Ирандын портторун блокадага алуу жана Ормуз кысыгы аркылуу өтүү тууралуу жарыялады. Иран Ормуз кысыгы Перс булуңундагы өлкөлөргө бараткан кемелер үчүн буга чейин жабылганын билдирди. Аймактагы кырдаал дүйнөлүк энергетикалык кризиске алып келди Аларды колдонууда сайттагы материалдарга кайрылуу маанилүү. Веб-баракчаларда маалымат колдонулганда, гипершилтеме менен шилтеме милдеттүү болуп саналат