Иран менен АКШнын ортосундагы келишимдин долбоорунда жаңы сунуштар бар

Иран АКШ менен келишимдин долбоору мунай санкцияларын жумшартууну жана тоңдурулган активдерди бошотууну караштырарын билдирди Ирандын жогорку даражалуу расмий өкүлү Reuters агенттигине АКШ менен даярдалган өз ара түшүнүшүү меморандумунун акыркы долбоору Тегерандын өзөктүк программасынан баштап Ормуз кысыгын кайра ачууга чейинки бир катар маанилүү маселелерди камтыйт деп билдирди. Анын айтымында, тараптардын акыркы макулдашуусу меморандумга кол коюлгандан кийин 60 күндүн ичинде талкууланат Иран расмийинин айтымында, долбоорго ылайык, Тегеран Ормуз кысыгын эл аралык жүк ташуулар үчүн дароо ачат. Анын ордуна АКШ Иран портторуна киргизген деңиз блокадасын токтотот Документке ылайык, АКШ акыркы келишимге жетишилмейинче Иранга каршы жаңы санкцияларды киргизбейт. Келишим күчүнө киргенден кийин АКШ менен Бириккен Улуттар Уюму киргизген бардык санкциялар алдын ала макулдашылган график боюнча алынып салынат. Ошол эле маалда Вашингтон Иран мунайына карата санкцияларды белгилүү бир мөөнөткө жумшартып, Тегеран мунай экспортун калыбына келтирип, киреше ала алат Ирандын расмий өкүлү АКШ дагы Ирандын тоңдурулган 25 миллиард долларлык активдерин бошотууга макул болгонун билдирди. Бул каражаттардын бир бөлүгү Иранга түз трансферттер, аймактык өнөктөштөр менен кызматташуу жана кредиттик линиялар аркылуу жеткирилиши күтүлүүдө. Мындан тышкары, АКШ өзүнүн аймактык союздаштары менен биргеликте Иранды кайра куруу жана өнүктүрүү боюнча атайын программа даярдай турганы жана бул программа 60 күндүн ичинде Тегеран менен макулдаша турганы белгиленди Өзөктүк программасынын шарттарына ылайык, Иран өзөктүк куралды иштеп чыкпоого жана ага ээ болбоого милдеттенет. Акыркы келишимге кол коюлганга чейин Тегеран өзүнүн өзөктүк программасынын учурдагы абалын сактап, уранды байытууну кеңейтпейт жана жаңы өзөктүк объектилерди курбайт Ирандын расмий өкүлү кошумчалагандай, АКШ келечектеги ар тараптуу келишимдин алкагында Тегерандын Ирандын аймагындагы өтө байытылган уран корлорун суюлтууга макул болду. Уран запастарынын тагдыры жана байытуу программасынын келечектеги параметрлери меморандумга кол коюлгандан кийинки 60 күндүк сүйлөшүүлөрдө аныкталат Бул долбоордун бардык майда-чүйдөсүнө чейин АКШ да, Иран да расмий билдирүү жасай электиги белгиленген. Бирок эки тарап көптөн бери келе жаткан чыңалууну басаңдатуу үчүн дипломатиялык аракеттерди улантып жатканы айтылууда