Ошто аймактарга инвестиция: “бирдиктүү терезе”, МЖӨ жана АИС “Инвестициялар” талкууланды

10-июнда Ош шаарында “Инвестициялык вектор: аймактык мүмкүнчүлүктөр жана туруктуу өнүгүү” аттуу семинар болуп өттү. Катышуучулар инвестициялык климатты, аймактык долбоорлорду колдоону, «бирдиктүү терезе» механизмин жана инвестициялык маалыматтык тутумдун ишин талкуулашты, деп билдирди КР Президентине караштуу Улуттук инвестиция агенттиги Семинарды NAI уюштурган. Ачылышта агенттиктин жетекчиси Равшанбек Сабиров, президенттин Ош облусундагы ыйгарым укуктуу өкүлү Аманкан Кенжебаев, Ош шаарынын мэри Жанарбек Акаев жана министрлер кабинетинин алдындагы Бизнести өнүктүрүү жана инвестиция боюнча кеңештин катчылыгынын жетекчиси Улук Кыдырбаев сөз сүйлөштү Сабиров аймактардын инвестициялык потенциалын өнүктүрүү улуттук агенттиктин негизги приоритеттеринин бири экенин айтты Семинардын жүрүшүндө инвестициялык климат, «бирдиктүү терезе» механизми, «Инвестициялар» АИС системасы, инвесторлорду мамлекеттик колдоо чаралары жана кепилдиктери боюнча маалымат берилди. Катышуучулар ошондой эле инвестициялык долбоорлорду ишке ашыруу, инвесторлордун суроо-талаптарын кароо жана мамлекеттик-жеке өнөктөштүктү өнүктүрүү маселелерин талкуулашты