Израиль армиясы "Хезболланын" "Радван" күчтөрүнүн командири Бейрутта өлтүрүлгөнүн тастыктады

Соңку апталарда Израилдин аскерлери менен жарандарына коркунуч жараткан 220дан ашуун "Хезболланын" мүчөсү жана командири зыянсыздандырылды Бул тууралуу Израилдин коргонуу күчтөрү (IDF) маалымат таратты Маалыматка ылайык, акыркы бир жумада эле Израилдин аба күчтөрү жана кургактагы бөлүктөрүнүн биргелешкен операцияларынын натыйжасында 85тен ашуун "Хезболла" мүчөсү жок кылынды Израиль армиясы "Хезболланын" элиталык Радван күчтөрүнүн командири Ахмед Галиб Балут өткөн түнү Бейрутта болгон аба соккусунан өлгөнүн ырастады Билдирүүдө «Радван» күчтөрүнүн командиринин өлтүрүлүшүнөн тышкары дагы бир нече маанилүү адамдар зыянсыздандырылды. Булар уюмдун “Насир” бөлүмүнүн чалгындоо бөлүмүнүн башчысы Мохаммад Али Бази, “Хезболланын” абадан коргонуу көзөмөлүнүн офицери Хоссейн Хасан Романи Израилдин армиясы бул адамдар израилдик аскерлерге жана жайкын тургундарга каршы террордук чабуулдарды пландаштырууга жана ишке ашырууга катышканын билдирди Израил армиясынын маалыматы боюнча, өткөн аптада Ливандын түштүгүндө “Хезболлага” таандык 180ден ашуун объектиге сокку урулган. Буталардын арасында командалык борборлор, курал кампалары жана колдонууга даяр ракеталык түзүлүштөр болгон