Ольгин: "Кипр боюнча кеңейтилген саммит жайында өткөрүлүшү мүмкүн"

Бириккен Улуттар Уюмунун (БУУ) баш катчысынын Кипр боюнча атайын өкүлү Мария Анжела Ольгин Кипр маселеси боюнча кеңейтилген жыйындын июль же август айларында өткөрүлүшү пландалганын билдирди Ольгин Кипрдин түрк лидери Туфан Эрхүрман менен жолугушуусунан кийин басма сөзгө жасаган билдирүүсүндө, Эрхурман жана Кипрдин Рум башкаруусунун жетекчиси Никос Христодулидис менен да «жемиштүү жолугушууларды» өткөргөнүн айтты Ольгин, БУУнун баш катчысы Антонио Гутерреш менен өткөрүлө турган «беш плюс бир» форматындагы кеңейтилген жолугушууга даярдыктын уланып жатканын белгилеп, «Так датасы азырынча так эмес, бирок алдыдагы айларда болот»,-деди Процесске карата оптимисттик көз карашта экенин баса белгилеген Ольгин : «Бул жолугушуунун жакшы жыйынтык чыгарышын үмүт кылабыз»,-деди Кеңейтилген жыйында сүйлөшүүлөр кайра башталабы же жокпу деген суроого жакындаган Ольгин: «Биз муну азыр билбейбиз, жолугушууда көрөбүз. Бул абдан жакшы кабар болмок, бирок күтө жана көрүшүбүз керек»,-деди Ольгиндин дем алыш күндөрү Эрхурман жана Христодулидис менен дагы жолуга турганы, андан кийин Анкара жана Афина менен байланыша турганы белгиленди. Ольгин Анкарада Түркиянын тышкы иштер министри Хакан Фидан жана Афинада Грециянын тышкы иштер министри Гиоргос Герапетритис менен жолугушары белгиленди Бир тараптан Грециянын башкаруу тарабы кеңейтилген жолугушуунун даталары боюнча иштер жүрүп жатканын, бирок коомчулукка жарыяланбагандыгын билдирди. Президент Кристодулидис процесстин жай бою улана турганын белгиледи Дипломатиялык булактар Түркиянын президенти Режеп Тайып Эрдогандын БУУнун «жаңы демилгесин» жактырганын жана процесстин кайрадан расмий сүйлөшүүлөргө айланышы үчүн негиз изделип жатканын кабарлашты Кипр маселесине байланыштуу жаңы кадамдын убактысы белгисиз бойдон калууда, тараптар жай айларында кызуу дипломатиялык трафикке даярданып жатышкандай