Ахмет Исмаилов: Жаш кезинде социалдык тармактарды жөнгө салбай колдонуу көйгөйлөрдү жаратышы мүмкүн

«Заманбап диагностикалык анализге ылайык, эрте жашта социалдык тармактарды жөнгө салынбаган колдонуу келечекте ар кандай көйгөйлөргө алып келиши мүмкүн» Бул тууралуу ЖМКларды өнүктүрүү агенттигинин (MEDIA) аткаруучу директору Ахмет Исмаилов аталган агенттик тарабынан уюштурулуп жаткан “Административдик жоопкерчилик жөнүндө кодексине өзгөртүүлөрдү киргизүү тууралуу”, “Маалымат, маалыматташтыруу жана маалыматтык коргоо жөнүндө” жана “Балдарды зыяндуу маалыматтардан коргоо жөнүндө” мыйзам долбоорлорун коомдук талкууда билдирди Анын айтымында, өнүккөн өлкөлөрдө балдар үчүн зыяндуу деп эсептелген, алардын физикалык жана психологиялык саламаттыгына терс таасирин тийгизген социалдык тармактарды колдонууну чектөө боюнча түрдүү мыйзамдык чаралар көрүлүп жатат Ахмет Исмаиловдун айтымында, өлкөдө даярдалган мыйзам долбоорлору бир нече негизги аспектилерди камтыйт жана балдардын санариптик чөйрөдө коопсуз иштөөсүнө багытталган: «Бул мыйзам долбоору санариптик дүйнөнүн учурдагы көйгөйлөрүнөн коргоо жагынан маанилүү. Сунуш кылынган жоболор этикалык жана эл аралык укуктук нормаларга ылайык келери белгиленген” Ал ошондой эле мыйзам долбоорун даярдоодо жана ишке ашырууда мамлекеттик органдар бул маселеге олуттуу көңүл бурушу керектигин белгиледи: «Ошондой эле бул багытта тиешелүү мамлекеттик органдардын ортосундагы кызматташтыкты күчөтүү маанилүү деп эсептелет