Индияда кайык оодарылып: 3 адам каза болуп, 3 адам дайынсыз жоголгон

Индиянын Уттар-Прадеш штатында бир үй-бүлөнү ташыган кайык дарыяга оодарылып, 3 адам каза болуп, 3 киши дайынсыз жоголду. Индиянын түндүгүндөгү Уттар-Прадеш штатынын Хамирпур аймагынан өткөн Ямуна дарыясында кечээ кечинде кайык кырсыгы болду Үйлөнүү үлпөт тоюнан кийин мөмө-жемиш терүү үчүн дарыянын каршы жээгине чыккан 9 кишилик үй-бүлөнү ташыган кайык катуу жааган жамгырдан улам кайра келе жатып оодарылып кеткен. Жергиликтүү бийлик тараткан билдирүүдө сууга түшкөн 9 адамдын 3ү өз күчү жана аймактагы балыкчылардын жардамы менен куткарылганы айтылды Аймакка жөнөтүлгөн улуттук жана жергиликтүү издөө-куткаруу топторунун аракетинин натыйжасында бир аял болгон 3 адамдын жансыз денеси табылды. Дарыяда жоголгон 3 баланы издөө-куткаруу иштеринин суучулдардын катышуусунда уланганы маалымдалды. Бийликтер издөө иштери жүрүп жаткандыктан жана оор шарттардан улам элди дарыя жээгинен алыс болууга чакырды