Индия Кытай менен чек арага жакын жерде стратегиялык туннелдин курулушун аяктады

Бүгүн Индия Гималайдын астынан өткөн жана талаштуу Кашмир аймагын Кытай чек арасындагы Ладак менен байланыштыра турган стратегиялык маанилүү жол туннелинин казуу иштерин расмий түрдө аяктады Франс Пресс агенттигинин маалыматына караганда, узундугу 13 километрден ашкан Зожила туннелинин баасы болжол менен 712 миллион долларды түзөт. Бул туннель кыш айларында калың жааган кардан улам учурдагы каттам транспортко жабылган учурда эки аймактын ортосунда унаалардын өтүшүнө шарт түзөт Индияда курулган эң узун жол туннели болгон долбоорго 3 миңден ашуун жумушчу катышты. Туннелдин 2028-жылы кыймылга ачылышы пландалууда Транспорт министри Нитин Гадкари бүгүнкү салтанатта сүйлөгөн сөзүндө: «Бул жөн эле туннель эмес, бул өтө маанилүү байланыш линиясы»,-деди Болжол менен 3500 километрге созулган талаштуу Индия-Кытай чек арасында маал-маалы менен чыңалуу болуп турат. Дүйнөнүн калкы эң көп эки өлкөсү болгон Индия менен Кытай Азиядагы таасир үчүн күрөштө бири-бири менен беттешүүдө 2020-жылы Гималайдагы эки өлкөнүн чек арасындагы кандуу кагылышта 20 индиялык жана 4 кытай аскери каза болгон Башка жагынан алганда, калкынын басымдуу бөлүгүн мусулмандар түзгөн Кашмир аймагы 1947-жылы эгемендүүлүккө ээ болгондон кийин Индия менен Пакистандын ортосуна бөлүнгөндөн бери эки өлкөнүн ортосундагы пикир келишпестиктердин негизги аймактарынын бири бойдон калууда Зожила туннелинин бүтүшү менен Кашмирде болжол менен 500 миң аскерин жайгаштырган Индия армиясы, аймак өткөн жылы ишке берилген 272 километрдик темир жол линиясына туташтырылгандан кийин Кытай чек арасындагы Ладакка тезирээк аскердик жүктөрдү жөнөтө алат