Гамбург аэропортунда каттамдар кайра жанданды

Германиянын Гамбург аэропортунда коопсуздук үчүн убактылуу токтотулган каттамдардын кайра башталганы кабарланды Полициянын билдирүүсүндө, аэропортто «полиция операциясын талап кылган кырдаалдын» орун алганы жана бул себептен коопсуздук пунктунун артындагы коопсуздук аймагынын баары эвакуацияланганы белгиленди Эвакуациянын алкагында коопсуздук текшерүүсүнөн өткөн жүргүнчүлөр терминалга жеткирилип, учактардагы кээ бир жүргүнчүлөр да түшүрүлгөнү маалымдалды Аэропорттун жетекчилиги бардык учуулар коопсуздук чараларынан улам убактылуу токтотулганын, ал эми конуу иштери уланып жатканын билдирди. Жүргүнчүлөргө өзүнүн авиакомпаниясынан учуунун абалын текшерүү сунушталат Каттамдар кайра жанданды Гамбург аэропортунун интернет сайтында жасалган билдирүүдө жүргүнчү терминалынын Федералдык полициянын көрүлгөн чараларынан улам эвакуацияланганы белгиленди "Учурда каттамдар кайра башталды." Билдирүүдө, каттамдарда жарым-жартылай кармалуулар жана жокко чыгаруулар болушу мүмкүн экени, жүргүнчүлөрдүн авиакомпаниялары менен байланышуусу керектиги айтылды Ганновер федералдык полиция башкармалыгы жергиликтүү убакыт боюнча саат 09.21де аэропорттун коопсуздук аймагына бир кишинин уруксатсыз киргенин жана адамдын аныкталып кармалганын жарыялады Билдирүүдө аба коопсуздугуна таасир тийгизген болушу ыктымалдыгына байланыштуу полициянын комплекстүү чараларды көргөнү белгиленди Аэропорттогу жабыркаган аймактагы иштер аяктап, саат 11.30дан тарта коопсуздук пункту кайрадан иштей баштаганы маалымдалды Немис басма сөзүндө бир адам кокустан чукул кырдаал баскычын басып коопсуздук аймагына киргени айтылган