Казакстан-Орусия чек арасында жүк ташуучу унаалар кезекте турат. Улуттук коопсуздук комитети мунун себебин атады

Павлодар облусундагы казак-орус чек арасында жүк ташуучу унаалардын тыгыны пайда болду. Казакстандын Улуттук коопсуздук комитетинин чек ара кызматы кырдаалды жашылча-жемиш ташуунун сезондук көбөйүшү менен байланыштырды, деп билдирет Orda.kz УКМКнын Чек ара кызматынын басма сөз кызматы билдиргендей, учурда күчөтүлгөн режимде иштеп жаткан «Косак» постунда жүк ташуучу унаалар кезекте турат Бул жерден орточо чыга турган кубаттуулугу күнүнө 200-220 жүк ташуучу унааны түзөт Чек ара кызматы “Косак” көзөмөл-өткөрүү пунктунда электрондук кезек системасы иштеп жатканын, белгилүү бир датага бош орундардын бар-жогун текшерип, чек арадан өтүү убактысын жана ордун алдын ала пландаштырып коюуга болорун эскертти Айдоочулардан кырдаалды эске алып, альтернативдик багыттар аркылуу каттамдарды алдын ала тууралоону суранабыз Ведомство кошумчалагандай, «Шарбакты» жана «Урлутөбе» эл аралык өткөрүү пункттары дагы Павлодар облусунда иштейт. Түндүк Казакстан облусунда – “Жаңа жол”, “Каракога” жана “Кызыл Жар” Буга чейин Орусия 1-июндан тарта чек арадан жүк ташууда товарды күтүүнү ырастоо (SPOT) системасын киргизгенин жазганбыз Казакстандык жүк ташуучулар Россия Федерациясына жүк ташып келүүдө алуучу алдыда боло турган жеткирүү тууралуу документти даярдап, QR кодун алышы керектиги эскертилди. Ырасталган QR коду жок болгон учурда унаа Россия Федерациясына киргизилбейт