Жүк ташуучулар үчүн Европа, Кавказ жана Азиянын ортосундагы транзит жеңилдетилет

Астанада ТРАСЕКА өкмөттөр аралык комиссиясынын XVIII отурумунун алкагында бирдиктүү транзиттик уруксат берүү боюнча макулдашууга кол коюлганын Транспорт министрлиги билдирди Документке Казакстан, Кыргызстан, Өзбекстан, Азербайжан жана Украина кол коюшту. ТРАСЕКАнын калган мүчө-мамлекеттери келишимге кийин кошулуу үчүн ички процедураларды улантууда Макулдашуу эл аралык автомобиль ташууларын жөнөкөйлөштүрүү жана Европа-Кавказ-Азия коридорунун транзиттик потенциалын өнүктүрүүгө багытталган. Анда бирдиктүү электрондук транзиттик уруксатты киргизүү каралган, ал ташуучуларга өзүнчө улуттук уруксаттарды албастан жүктөрдү катышуучу өлкөлөрдүн аймактары аркылуу өткөрүүгө мүмкүндүк берет Бирдиктүү транзиттик уруксат бирдиктүү маалыматтык система аркылуу электрондук форматта гана берилет. Ар бир документке уникалдуу идентификациялык номер жана штрих-код ыйгарылат Министрлик жаңы система административдик жол-жоболорду жөнөкөйлөтүп, чек арадан өтүүнү тездетет, ташуулардын ачыктыгын жана транспорттук-логистика тармагын санариптештирүү деңгээлин жогорулатат деп күтөт Документ ошондой эле уруксат берүү жана пайдалануу тартибин жөнгө салат, автотранспортчулар үчүн бирдиктүү шарттарды белгилейт жана санариптик платформа аркылуу компетенттүү органдардын өз ара аракеттенүүсүн карайт Макулдашуу мамлекеттик ички жол-жоболор аяктагандан жана депозитарий катышуучу өлкөлөрдөн тиешелүү билдирүүлөрдү алгандан кийин күчүнө кирет