Мамлекеттик Дума мигранттарга орус жарандыгын алуу жана андан чыгуу үчүн мамлекеттик алымды 12 эсеге жогорулатты

Орусиянын Мамлекеттик Думасы экинчи жана үчүнчү окууда миграция чөйрөсүндөгү мамлекеттик алымдардын көлөмүн бир топ жогорулаткан мыйзамды кабыл алды. Салык кодексине өзгөртүүлөрдү киргизүү боюнча документти өлкөнүн өкмөтү демилгелеген Баарынан да мыйзамга ылайык, жарандыкка кабыл алуу жана андан чыгуу үчүн мамлекеттик алым 12 эсеге кымбаттайт. Мурда бул сумма 58 доллар болсо, азыр 690 доллар болду. Убактылуу жашоого уруксат берүүнүн баасы сегиз эсеге көбөйдү – 26 доллардан 207 долларга чейин. Жашоого уруксатты (резиденцияга уруксатты) каттоо беш эсе кымбаттады – мурунку баасы 83 доллар, жаңысы 415 доллар Мигранттар үчүн мамлекеттик кызматтын башка түрлөрү да бир нече эсе кымбаттады. Бул жашоого уруксатты алмаштыруу, өлкөгө кирүүгө чакыруу, ошондой эле орус визасы жана чет элдик жумушчуларды тартууга уруксат берүү үчүн мамлекеттик алым Ошол эле учурда мыйзам Орусиянын жарандыгын алууну каалаган СССРдин мурдагы жарандарын, чет өлкөдө жашаган мекендештер деп аталгандарды Россияга көчүрүү боюнча мамлекеттик программанын катышуучуларын, ошондой эле Украинага каршы согушка катышуу үчүн Россиянын Коргоо министрлиги менен келишим түзгөн адамдарды жана алардын үй-бүлө мүчөлөрүн алымдардан бошотот Кошумчалай кетсек, Орусиянын президенти Владимир Путин чет элдиктер же жарандыгы жок адамдар медициналык текшерүүдөн качкандыгы үчүн айып пулду 12 эседен ашык көбөйткөн мыйзамга кол койду Azattyk Asia © 2026 RFE/RL, Inc. | Бардык укуктар корголгон