Мамлекеттик салык кызматы 11-15-июнь күндөрү товарларды маркировкалоо кызматына чектөө киргизет

2026-жылдын 11-июнунан 15-июнуна чейин продукцияны маркировкалоо системасы боюнча техникалык иштер жүргүзүлөт. Аларды ишке ашыруу учурунда айрым системалык кызматтарга жетүү убактылуу чектелет, деп билдирди Мамлекеттик салык кызматынын басма сөз кызматы Мамлекеттик салык кызматы үстүбүздөгү жылдын 25-майынан тарта “Альфа Телеком” ЖАКтын ордуна “Учкун” ААКсы маркаланган товарларды маркировкалоо жана көзөмөлдөө улуттук системасынын оператору болуп дайындалганын эскертти. Оператордун функцияларын өткөрүп берүү системанын үзгүлтүксүз иштешин камсыз кылуу боюнча техникалык чараларды, анын ичинде маалыматтардын миграциясын жана маркировка коддорун берүү параметрлерин өзгөртүүнү талап кылат Кыргызстандагы негизги экономикалык жаңылыктарга көз салыңыз - Telegram жана WhatsApp тармактарындагы Economist.kg каналдарына жазылыңыз. Биз ошондой эле Facebook, Instagram, Threads жана X тармактарындабыз. Бизге кошулуңуз жана ар дайым эң маанилүү нерселерден кабардар болуңуз!