Түштүк Кипр-Казакстан линиясындагы жаңы доор: элчилик ачылды, түз каттамдар башталды

Кипрдин Рум башкаруусунун лидери Никос Христодулидистин Казакстан менен болгон расмий жолугушуулары грек басма сөзүндө кеңири талкуу жаратты. Сапардын алкагында Түштүк Кипрдин Астанада элчилиги ачылып, эки өлкөнүн ортосунда түз аба каттамдарынын башталышы карым-катнаштарда «жаңы доор» катары чечмеленди Грек басма сөзүндө орун алган кабарга караганда Христодулидистин Казакстан менен болгон байланыштарында Түштүк Кипр менен Казакстандын ортосундагы саясий жана экономикалык кызматташтыктын өнүгүүсүнө карай маанилүү кадамдар болду Fileleftheros гезити «Кызматташтыктын жол картасы» аттуу кабарында эки өлкөнүн ортосунда өз ара кызыкчылыктардын негизинде жаңы күн тартиби түзүлгөнүн жазган Кабарда Христодулидис менен Казакстандын президенти Касым Токаевдин жолугушуусунда саясий карым-катнаштар менен катар экономикалык кызматташтык маселелери талкууланганы белгиленген Гезиттин маалыматына караганда, Токаев эки өлкөнүн экономикалык кызматташтыгын өнүктүрүү үчүн жол картасын даярдап, процессти эки өлкөнүн тышкы иштер министрликтери ээрчип жүрүүнү сунуштады. Инвестицияларды коргоо боюнча келишимге кол коюу да күн тартибинде экени айтылды Кабарда сүйлөшүүлөрдүн алкагында Түштүк Кипрдин «Транскаспий коридору» долбооруна кошулуу талабынын да бааланганы белгиленди. Долбоор Казакстандын кургактагы транспорт инфраструктурасын Түштүк Кипрдин деңиз мүмкүнчүлүктөрү менен айкалыштырууну максат кылганы белгиленди Ошондой эле Казакстандын президенти Токаевдин грек ишкерлерин «Алтын виза» программасынан пайдаланууга чакырганы айтылды Токаев Христодулидистин сапарын “тарыхый окуя” деп мүнөздөсө, эки өлкөнүн ортосунда өкмөттөр аралык ишканалар кеңешин түзүүнү сунуштады Христодулидис билдирүүсүндө Казакстандын Кипр маселесине карата позициясын кубаттагандарын белгилеп, эки тараптуу карым-катнаштарды өнүктүрүү үчүн орток эрк бар экенин айтты «Политис» гезити иш сапарынын алкагында Түштүк Кипрдин Астанадагы элчилигинин ачылганын жазды Ачылыш аземинде сөз сүйлөгөн Христодулидис Түштүк Кипрдин Астанадагы элчилигинин жана Казакстандын Түштүк Никосиядагы элчилигинин ачылышын «тарыхый бурулуш» катары баалады Салтанатта Грециянын тышкы иштер министри Константинос Комбос, Түштүк Кипрдин Казакстандагы элчиси Петрос Накузис жана Казакстандын Түштүк Кипр элчиси Николай Жумакановдун да сөз сүйлөгөнү белгиленди Бир тараптан Христодулидистин Астанадагы «Alem A.I Center» аттуу жасалма интеллект борборуна барып, изилдөөлөр тууралуу маалымат алганы белгиленди Грек басмасы да Түштүк Кипр менен Казакстандын ортосунда түз каттамдардын башталганын жарыялады Кабарларга караганда, Air Astana 2-июнда Астанадан Ларнака аэропортуна алгачкы рейсин аткарды Ларнака-Астана каттамынын жумасына эки жолу шейшемби жана ишемби күндөрү жүргүзүлө турганы, Алматы-Ларнака каттамдарынын бүгүнтөн тарта баштала турганы белгиленди Түз каттамдардын алгач сентябрь айына чейин улануусу пландалганы, суроо-талап болсо мөөнөттүн узартылышы мүмкүн экени айтылды