Келерки жылы дүйнө жүзү боюнча температура рекорддук деңгээлге көтөрүлүшү мүмкүн

Дүйнө катуу ысыкка дуушар болушу мүмкүн. Алдыдагы айларда пайда болушу ыктымал болгон табигый климаттык кубулуш "Эль-Нино" келерки жылы глобалдык температуранын рекорддук деңгээлге көтөрүлүшүнө себеп болушу мүмкүн Бул женунде европалык «Коперник» байкоо системасынын климатологу Саманта Борьес эскертти, деп билдирет АЗЕРТА Анын айтымында, 2027-жыл рекорддук эң ысык жыл катары 2024-жылдан ашып кетиши ыктымал Ошол эле учурда дүйнөлүк океандарда май айындагы температуралык рекорддор жакындап келе жатканы баса белгиленди. Апрель айындагы деңиз бетинин орточо температурасы полярдык аймактарды кошпогондо, 2024-жылдын абсолюттук рекордуна абдан жакын болду Белгилей кетсек, учурда рекорддук деңгээлдеги деңиздин ысык толкундары Тынч океандын экватордук борборунан Америка Кошмо Штаттарынын жана Мексиканын батыш жээгине чейинки кеңири аймакты камтыйт. "Эль-Нино" - Тынч океанда пайда болгон табигый климаттык циклдин фазаларынын бири. Бул көрүнүш адатта жазында башталып, кийинки айларда температураны, шамалды жана жалпы глобалдык климатты акырындык менен өзгөртөт. Бул кээ бир аймактарда кургакчылыкка, кээ бирлеринде нөшөрлөгөн жамгырга алып келет 2026 © AZERTAC. Автордук укук корголгон. Маалыматты колдонуу гипершилтеме менен көрсөтүлүшү керек