Жаратылыш ресурстар министрлигинин башчысы Самарканддагы Глобалдык экологиялык фонддо “тоо терезесин” түзүүнү сунуштады

Экология (АКИpress) - Кыргыз Республикасынын Жаратылыш ресурстары, экология жана техникалык көзөмөл министри Акыл Токтобаев Самарканд шаарында өткөн Глобалдык экологиялык фонддун (ГЭФ) VIII ассамблеясына катышты Жаратылыш ресурстары министрлигинин басма сөз кызматы билдиргендей, делегация башчыларынын пленардык жыйынында министр өлкөнүн айлана-чөйрөнү коргоо, биологиялык ар түрдүүлүктү сактоо жана климаттын өзгөрүүсүнө адаптациялоо жаатындагы артыкчылыктары менен тааныштырды Токтобаев тоолуу өлкөлөрдүн гранттык каржылоого жана технологияларга жетүүсүн жөнөкөйлөтүү үчүн ГЭФ алкагында атайын максаттуу “тоо терезесин” түзүү демилгесин көтөрдү Жыйында ошондой эле Кыргызстандын экологиялык реформалары сунушталды: Улуттук экологиялык негизди киргизүү, «Жашыл Мурас» кампаниясы, 2035-жылга чейин таштандыларды башкаруу стратегиясы жана экологиялык таза транспортту өнүктүрүү Соңунда министр эл аралык өнөктөштөрдү жана донор уюмдарды 2027-жылдын октябрь айында Кыргызстанда өтө турган Бишкек+25 Глобалдык тоо саммитине чакырды. Галерея: Кыргызстан Глобалдык экологиялык фонддо “тоо терезесин” түзүүнү сунуштады