Ракеталык базалар жанданат

АКШ жана Израилдин бир нече жумалык кол салууларынан кийин жер астындагы ракеталык базаларына кире бериштери жабылган Ирандын бул объектилердин көбүн интенсивдүү казуу иштеринин аркасында кайра пайдаланууга бергени айтылды. АКШ менен Ирандын ортосунда убактылуу келишим түзүлүп, аны узартуу боюнча сүйлөшүүлөр уланып жатканы менен тараптардын ортосундагы тирешүү толук токтой элек. Эксперттердин айтымында, эгер жаңжалдар кайра башталса, Иран колундагы ракеталык запастары менен чабуулун уланта алат. CNN тарабынан каралып чыккан спутник сүрөттөрүнө караганда, Иран бульдозер жана экскаватор сыяктуу жөнөкөй курулуш техникасын колдонуп, АКШ менен Израилдин соккусунан туннелдин кире бериштерин ачып, бузулган жолдорду оңдогон. Кагылышуу учурунда Иран катуу бомбалоо астында туннелдин кире бериштерин ачууга аракет кылды. АКШ менен Израил казуу иштеринде колдонулган курулуш техникасын көп бутага алышкан. Буга карабастан Ирандын оңдоп-түзөө иштери ок атышпоо келишиминен кийинки жети аптадан бери ылдамдады. CNN телеканалынын талдоосуна ылайык, Иран АКШ жана Израил тарабынан сокку урган 18 жер астындагы ракеталык объекттердеги 69 туннелдин 50үн кайра ачты. Спутниктен алынган сүрөттөр да ракеталык базаларга кирүүгө жол бербөө үчүн бомбаланган жолдордун көбүнесе оңдолгондугун, кээ бир аймактарда жолдордун асфальтталганын көрсөтүүдө Бул Трамптын максаттарынын бири болгон. АКШнын президенти Дональд Трамп согуштун негизги максаттарынын бири Ирандын ракеталык потенциалын жок кылуу экенин көп жолу билдирген. Март айында жасаган билдирүүсүндө Трамп согуштун негизги максаттарынын бири катары “Ирандын ракеталык кубаттуулугун, учуруу системаларын жана аларга тиешелүү нерселердин баарын толугу менен зыянсыздандырууну” атаган. Иран болсо 20 жылдан ашык убакыттан бери өзүнүн жер астындагы ракеталык тармагын өнүктүрүүдө. Кээ бир объектилер жүздөгөн метр таш катмарларынын астында жайгашканы айтылат. Эксперттердин айтымында, бул тереңдик АКШ менен Израилге базаларды түз жок кылууну өтө кыйындатат Миңдеген ракета калганы болжолдонууда. Эксперттердин эсебинде, жер астындагы кампаларда дагы миңге жакын ракета бар. Гамбург университетинин Тынчтыкты изилдөө жана коопсуздук саясаты институтунан Тимур Кадышев Ирандын бул түрдөгү кагылышууларга көп жылдардан бери даярданып келгенин белгилеп: «Алар бул түрдөгү согушка 20 жылдан бери даярданышкан. Алар абдан даяр. деди ал