Дүйнө чемпиондугунун алдында ФИФАнын фейк сайттары көбөйдү

Футбол боюнча Дүйнө чемпиондугунун алдында ФИФАнын расмий сайтына окшоштуруп түзүлгөн фейк сайттар көбөйдү. Бул тууралуу АКШнын Федералдык иликтөө бюросу эскертти. Киберкылмышкерлер бул сайттарды футбол билеттерин сатуу, VIP пакеттерди жана туристтик кызматтарды сунуштоо, жасалма жумушка жалдоо, лотереяларды жана атайын акцияларды өткөрүү сыяктуу кызматтарды жарнамалоо үчүн колдонушат. Адистер мындай баракчаларга банк картасынын маалыматтарын, жеке маалыматтарын же купуя маалыматтарды киргизүү өтө кооптуу экенин айтышат. Анткени бул маалымат кийин мыйзамсыз максатта колдонулушу мүмкүн. Биринчиден, расмий сайтка түздөн-түз браузер аркылуу кирип, шектүү шилтемелерге барбаңыз жана онлайн сунуштарын кылдат текшериңиз. Ошондой эле кандайдыр бир транзакциядан мурун сайттын дарегин текшерип, күмөн жаралса, ишти токтотуу сунушталат. Дүйнөлүк чемпионат жакындаган сайын мындай киберкылмыштар көбөйүшү мүмкүн, андыктан күйөрмандар жана колдонуучулар этият болушу керек дейт аткаминерлер