Текстиль экспортунан дүйнөлүк энергетикага: Ашхабад менен Анкара стратегиялык өнөктөштүгүн кеңейтүүдө

Түркмөнстандын борборунда соода тармагында маанилүү окуя болуп жатат: «Turkmentextile Expo - 2026» Эл аралык көргөзмө-жарманкеси. Иш-чарага катышкан ардактуу коноктордун арасында Түркия Республикасынын вице-президенти Жевдет Йылмаз да болду. ЖМКларга кайрылуусунда түркиялык жогорку даражалуу саясатчы мамлекеттер аралык диалогдун азыркы абалына жана узак мөөнөттүү келечегине кеңири баа берди Жевдет Йылмаз Түркмөнстандын Түркия Республикасы үчүн гана негизги өнөктөш эмес, дос жана бир тууган өлкө экенине өзгөчө басым жасады. Анын айтымында, эки тараптуу мамилелер жыл сайын динамикалуу өнүгүп, ырааттуу түрдө кыйла маанилүү жана жетилген этаптарга жетишүүдө. Анкара менен Ашхабаддын ортосундагы өз ара аракеттенүү терең мааниге ээ, аны жалпы тарых, маданият жана өз ара экономикалык кызыкчылыктар бекемдейт «Биздин мамилелер стратегиялык мүнөздө. Биз өз алдыбызга бүткүл региондогу соода-экономикалык мамилелердин системасын аныктай турган чоң максаттарды койдук. Түркмөнстан биз үчүн өзгөчө өлкө, биз аны мекенибиз деп эсептейбиз», - деди Түркиянын вице-президенти Түрк саясатчысы транспорттук, логистикалык жана энергетикалык жолдорду диверсификациялоону кызматташтыктын негизги багыттарынын бири катары атады «Ушул контекстте тараптар «Ортоңку коридор» деп аталган Транскаспий эл аралык транспорттук каттамын өнүктүрүүгө чоң үмүт артууда. Бул масштабдуу долбоор Азия менен Европанын ортосундагы соода жүгүртүүнүн өсүшүнө жана логистиканын жакшырышына олуттуу салым кошууга багытталган», - деп баса белгиледи ал Ошону менен бирге оратор Түркмөнстандын энергетикалык ресурстарын эл аралык аренага чыгаруу боюнча стратегиялык маселе энергетиканын күн тартибинде турганын белгиледи. Бул перспективада түркмөн жаратылыш газын Түркиянын рыногуна жеткирүү, ошондой эле Түркия аркылуу Европа жана дүйнөлүк рынокторго транзит боюнча долбоорлор деталдуу түрдө каралат. Түрк тарап мунай жана газ тармагындагы кызматташуу эки өлкөнүн экономикасы үчүн күчтүү мультипликациялык эффект түзөөрүнө ишеним билдирди Соода-экономикалык кызматташтык маселелерине токтолгон Жевдет Йылмаз конкреттүү статистикалык көрсөткүчтөрдү келтирди «Өткөн жылдын аягында өлкөлөр ортосундагы өз ара сооданын көлөмү 2,2 миллиард долларга жеткен. Бирок бул цифра колдо болгон потенциалды толук чагылдырбайт. Жакынкы аралыкта эки тараптуу сооданын көлөмүн 5 миллиард долларга жеткирүүнү көздөп жатабыз. Мисалы, «Turkmentextile Expo 2026» көргөзмөсү бизнес-коомчулуктардын башын бириктирүү, улуттук продукцияларды жайылтуу жана өз ара пайдалуу жаңы келишимдерди түзүү үчүн эффективдүү аянтча катары каралууда», - деп бөлүштү кадырлуу конок Жевдет Йылмаз Түркмөнстандагы түрк инвестициясынын жана курулуш келишимдеринин көлөмүнүн ушул күнгө чейин 56 миллиард долларга жеткенин белгиледи. Түрк компаниялары Түркмөнстанда инфраструктуралык долбоорлорду ийгиликтүү жана натыйжалуу ишке ашырууну улантууда Республиканын делегациясынын башчысы Туркменстандагы ири социалдык-шаардык долбоорлорго айрыкча кецул бурду. Өлкөнүн технологиялык прогрессинин жана модернизациясынын символуна айланган «акылдуу» Аркадаг шаары жакында эле дүйнөлүк коомчулуктун көңүлүн буруп жатканы белгиленди