Францияга нааразы болгон Греция - Париж менен Анкарага ичи күйгөн Афина

Түркия менен Франциянын ортосундагы стратегиялык кызматташтык келишими, «Байкар» жана «Сафран» Грециянын нааразычылыгын жаратты Расмий Афина менен Кипрдин грек бөлүгү Париж менен Анкаранын ортосундагы аскердик кызматташтыктын өнүгүшүнө нааразылыгын билдиришти Маалыматка ылайык, Афинанын ачуусун Түркиянын чалгындоо-соккучу учкучсуз учактарын француздук электро-оптикалык системалар (Euroflir) менен жабдуу чечими себеп болгон. Греция менен Кипр бул түрк учкучсуз учактарынын мүмкүнчүлүктөрүн кыйла кеңейтет деп эсептешет Грециянын айтымында, Франция ушундай жол менен өзүнө атаандаш, кээ бир учурларда душман деп эсептеген Түркияны учкучсуз учактарды өндүрүү жана аны колдонуу жаатында күчтөндүрүүдө. Расмий Афина алдыңкы француз технологиялары менен жабдыла турган түрк учкучсуз учактарын Грециянын Эгей деңизи жана Жер Ортолук деңизинин чыгышындагы коопсуздугуна түздөн-түз коркунуч деп эсептейт 2021-жылы Греция менен Франциянын ортосунда коргонуу тармагында өз ара кызматташуу боюнча келишимге кол коюлган. Ошондуктан Афина Париждин Анкара менен келишимин Греция менен Түркиянын ортосунда уланып жаткан аймактык талаштардын фонунда кабыл алынгыс же таң калаарлык кадам катары баалайт Мындан тышкары, Франция Никозия менен Кипрдин грек бөлүгүнө аскерлерин жайгаштыруу боюнча макулдашууга жетишти. Бул келишимге ылайык, Франция өзүнүн аскер күчтөрүн аралдын грек бөлүгүнө жайгаштырмакчы Түрк расмий өкүлү Париждин бул кадамына нааразылык билдирди. Расмий Анкара бул келишимди Түндүк Кипрдин коопсуздугуна коркунуч деп эсептейт деген тыянак чыгарууга болот Белгилей кетсек, келишим француз аскерлерин аралга жайгаштыруунун шарттарын, биргелешкен машыгууларды өткөрүүнүн тартибин, материалдык-техникалык камсыздоону жана эки тараптуу коргонуу кызматташтыгынын түрдүү аспектилерин аныктайт Түрк жана француз фирмаларынын ортосундагы келишимге Париж менен Никозия ортосундагы келишимден кийин жана Франциянын президенти Эммануэль Макрондун Грецияга сапарынан кийин кол коюлду Гректердин таштаган кадамдары – Франциянын аралга аскерий күчтөрүн жайгаштыруу, анын гуманитардык жана тынчтык мүнөзгө ээ экендигин айтып, Байкардын «Сафран» менен келишимге кол коюусу карама-каршы келет Франция менен Греция НАТОго мүчө, ал эми Грек Кипр бул уюмга кирүүнү каалаган тарап болуп саналат. Түркия альянстын алдыңкы мүчөлөрүнүн бири. Бул өңүттөн алганда мүчөлөрдүн аскердик тармакта кызматташуусу табигый көрүнүш Демек, эки компаниянын ортосундагы келишим да тараптардын аскердик техникаларды жана техникаларды соодалоо багытында кызматташуусу болуп саналат. Келишимдин айланасында чатак чыгаруу, аны драмалаштыруу туура эместей сезилет. Анткени “Байкар” менен “Сафрандын” кызматташтыгы Кипр менен Грециянын коопсуздугуна коркунуч келтирген эмес. Бул бизнес. Түрк фирмасы чыгарган дрондорду дагы өнүккөн кылууну максат кылууда. Француз ишканасы да өзүнүн жогорку технологиялык жетишкендиктерин сатат. Башкача айтканда, эки компаниянын ортосунда таза ишкердик кызматташуу түзүлөт «Сафран» — авиациялык, космостук жана коргонуу техникасын долбоорлоого, өндүрүүгө жана тейлөөгө адистешкен алдыңкы француз эл аралык жогорку технологиялык өнөр жай ишканасы. "Aircraft Engines" корпорациясы кыймылдаткычтарды, тетиктерди (атап айтканда, GE менен өнөктөштүктө LEAP сериясындагы кыймылдаткычтарды), шассилерди, тормоздорду жана өткөргүч системаларын иштеп чыгат. "Сафран" "Электроника жана коргонуу" навигациялык түзүлүштөрдү, оптоэлектрониканы жана авионикалык техниканы камсыздайт Бул компаниянын ишмердүүлүгү көп кырдуу. Андыктан анын “Байкар” менен кызматташтыгын сынга алуу туура эмес 2022-жылдан бери эки өлкөнүн ортосундагы аскердик мамилелер жана коргонуу тармагындагы кызматташтык акырындык менен жанданды. Ошондуктан бул процесс алардын коргонуу өнөр жай өнөктөштүгү менен бекемделүүдө Анын алкагында Франциянын «Safran Electronics & Defense» фирмасы менен «Байкар» ортосунда стратегиялык өнөктөштүк келишимине кол коюлду Франциянын Кипр аралына аскерлерин киргизүүсү Түркия менен Түндүк Кипрдин түздөн-түз кызыкчылыгына жана коопсуздугуна коркунуч катары каралышы мүмкүн. Ошондуктан табигый суроо туулат: аралдын грек бөлүгүндөгү куралдуу күчтөр кимге каршы? Жооп абдан жөнөкөй: Албетте, биринчи кезекте Түркияга. Башкача айтканда, официалдуу Афина менен Никозия аралга француздук аскерлерди жайгаштыруу женундегу келишимге кол коюу менен кошуна елкенун территориялык бутундугуне жана коопсуздугуна тузден-туз коркунуч келтириши мумкун Ушул өңүттөн алганда, алар аскер кызматкерлерин жайгаштыруу келишимин жаап-жашыруу, андан алаксытуу, Түркияга каршы үгүт иштерин жүргүзүү үчүн фирмалар ортосундагы келишимди үгүт куралы катары пайдаланып жатышат Иштин башка жагы да бар. Түркиянын жана Франциянын Түштүк Кавказы, Жакын Чыгыштын, ошондой эле Жер Ортолук деңизинин чыгыш бөлүгүнүн маселелери боюнча алардын позициялары дал келбейт, кызыкчылыктары ар башка. Бирок “Сафран” менен “Байкардын” кызматташуусу мамлекеттердин бири-бирине дал келген кызыкчылыктарынын өнүгүшүнө оң таасирин тийгизет Бирок анын Греция менен бирге Кипрге куралдуу күчтөрүн киргизүүсү Елисей сарайынын түрктөр жана Түркияга болгон мамилесинин уландысы жана көрсөткүчү. Ушуга байланыштуу Макрондун Афинага сапарынын максаты - Чыгыш Жер Ортолук деңиз аймагында коопсуздукту камсыздоо шылтоосу астында Түркия жана Түндүк Кипрдин айланасында Франция, Греция жана Рум аскердик союзунун стратегиялык өнөктөштүгүн бекемдөө Бул дагы бир жолу НАТОнун ичиндеги карама-каршылыктарды ачыкка чыгарат. Анткени Грециянын же Грек Кипринин Түркияга жана Түндүк Кипрге мүмкүн болгон чабуулу учурунда Франция сыяктуу коргойбу? Же Франция Түркияны мындай чабуулдардан коргойбу? Кандай болгон күндө да гректер менен француздардын аралга аскерлерин жайгаштыруу келишими түрктөрдүн салттуу кастыгын ырастайт Грециянын бул тынчсыздануусун көрө албастык катары баалоого болот. Мына ушул ынталуу жана жаңжалга таянып, Афина Парижинин Анкарага ичи күйүп жатканын божомолдоого болот. Ошондуктан ал өзүнүн эмоциясын ушинтип көрсөтөт Демек, эч ким саясий сахнада өзүн жашыра албайт. Жүз жылдан ашык убакыттан бери максаты, тексти өзгөрбөгөн «Түркия» аттуу чыгармада ар ким өз ролун аткарууну улантууда Аларды колдонууда сайттагы материалдарга кайрылуу маанилүү. Веб-баракчаларда маалымат колдонулганда, гипершилтеме менен шилтеме милдеттүү болуп саналат