Францияда улгайган адамдардын саны көбөйүшү күтүлүүдө

Франция жакынкы он жылдыктарда маанилүү демографиялык өзгөрүүлөргө туш болот. Өлкөнүн Улуттук Статистика жана Экономикалык Изилдөө Институтунун (INSEE) жаңы божомолуна ылайык, Франциянын калкы 2030-жылдары тарыхый максимумга жеткенден кийин акырындык менен азая баштайт. Ошол эле учурда коомдун картаюу процесси сөзсүз тенденция катары каралат AZERTAc кабарлагандай, жарыяланган жаңы эсептөөлөр боюнча, эгерде азыркы демографиялык тенденциялар сакталса, Франциянын калкынын саны 2037-жылы 69,8 миллион адамга жетет.Андан кийин калктын санынын акырындык менен азайышы байкалат, ал эми 2070-жылы бул көрсөткүч болжол менен 65,9 миллион адам болоору күтүлүүдө. Бул сан 2014-жылы катталган калктын деңгээлине жакын деп эсептелет INSEE болжолдоолоруна ылайык, Францияда жакынкы жылдарда калктын санынын өсүшү негизинен миграциянын эсебинен камсыз кылынат Адистер 2025-жылдан баштап төрөлгөндөрдүн саны менен өлгөндөрдүн санынын ортосундагы айырманы билдирген табигый өсүш көрсөткүчү терс болот дешет. Бул өлкөнүн демографиялык түзүмүндө узак мөөнөттүү бурулуштун башталышынан кабар берет Божомолдорго ылайык, Францияда миграция позитивдүү бойдон кала берет, жылына орто эсеп менен өлкөгө 150 000 адам келет. Бирок 2037-жылдан кийин бул көрсөткүч калктын табигый азайуусунан келип чыккан жоготуулардын ордун толтурууга жетишсиз болот INSEE төрөттүн төмөндөө тенденциясы уланат деп эсептейт. 2028-жылы бир аялга балдардын орточо саны 1,45ке чейин төмөндөйт Ошону менен бирге медициналык кызматты енуктуруунун жана турмуш-тиричилик шарттарын жакшыртуунун на-тыйжасында адамдардын орточо жашоо узактыгы мындан ары да жогорулайт Статистика агенттиги калктын жалпы азайышы дагы деле мүмкүн болсо да, калктын карылыгы азыр дээрлик сөзсүз процесс экенин баса белгилейт Учурда Францияда 65 жаштан жогорку курактагы адамдар калктын болжол менен 22 пайызын түзөт INSEE эсептөөлөрүнө ылайык, бул көрсөткүч 2070-жылы 32 пайызга чейин өсөт. Улгайган адамдардын саны 2026-жылы 15,3 миллион адамдан 21,1 миллион адамга жетет. 20 жашка чейинкилердин саны кыйла азайып, коомдо кичине топту түзөт Эксперттер бул процессти эки негизги фактор менен түшүндүрүшөт: жашоонун узактыгынын жогорулашы жана согуштан кийинки жылдарда төрөлгөн көп сандаган «бэби-бум» муундарынын улгайган калктын катмарына акырындык менен кириши Божомолдорго ылайык, Францияда эң ылдам өскөн топ 80 жаштан жогоркулар болот Мындан тышкары 100 жаштан ашкандардын санынын олуттуу өсүшү күтүлүүдө. Учурда өлкөдө болжол менен 37 000 адам 100 жаштан ашса, 2070-жылга карата бул сан 160 000ге жетет деп болжолдонууда Ошентип, жуз жылдыктын саны терт эседен ашык кебейет. Бирок, алар жалпы калктын 0,24 пайызын түзөт жана дагы эле коомдун өтө кичинекей бөлүгү бойдон кала берет Эксперттер калктын улгайышы пенсиялык системага, саламаттыкты сактоо кызматтарына жана социалдык коргоо механизмдерине кошумча жүктү жаратат деп эсептешет Француз өкмөтү жакынкы ондогон жылдардагы карыган коомдун муктаждыктарын канааттандыруу үчүн жаңы социалдык жана экономикалык саясатты иштеп чыгууга аргасыз болот. INSEE прогноздору демографиялык өзгөрүүлөр алыскы келечектин эмес, кийинки он жылдыктардын негизги көйгөйлөрүнүн бирине айланып баратканын көрсөтүп турат 2026 © AZERTAC. Автордук укук корголгон. Маалыматты колдонуу гипершилтеме менен көрсөтүлүшү керек