Франция коргонуу максатында жаңы өзөктүк ракетаны иштеп чыгууда

Франция жаңы гиперүндүү ракетаны иштеп чыгууда. Ал өлкөнүн өзөктүк тоскоолдугун, б.а. коргонуу коопсуздук системасын бекемдөө максатында даярдалууда Бул тууралуу UNIAN Франциянын коргонуу тармагындагы булактарына таянуу менен билдирди Система потенциалдуу душмандарды аскердик чабуулдардан болтурбоо үчүн иштелип чыккан. Ошентип, француз бийликтери өлкөнүн жаңы муундагы өзөктүк коргонуу системасынын бир бөлүгү боло турган ASN4G гипер үн ракетасын иштеп чыгууга расмий түрдө киришти Маалыматка ылайык, Франциянын Коргоо сатып алуулар агенттиги (DGA) ракетаны иштеп чыгуу боюнча келишимди европалык эң ири ракета өндүрүүчүлөрдүн бири болгон MBDA компаниясына тапшырган. Жаңы ракета учурда француз армиясынын арсеналында турган ASMPA-R ракеталарын алмаштырууга тийиш Белгиленгендей, ASN4G (Air-Sol Nucléaire de 4ème Génération) гиперүн ылдамдыкта кыймылдай алат жана Франциянын абадагы өзөктүк куралдануусун бекемдейт. Ракетаны 2035-жылы кабыл алуу пландалууда Жаңы куралды Франциянын стратегиялык аба күчтөрү жана өзөктүк деңиз авиациясы колдоно турганы кабарланууда. ASN4G ракеталарынын модернизацияланган Rafale F5 истребителдери менен интеграцияланышы күтүлүүдө Маалыматка ылайык, гиперүн технологиясы ракетага коргонуу системаларын жеңилирээк жеңүүгө мүмкүндүк берет. Франциянын Коргоо министрлиги бул өзгөчөлүк коопсуздуктун өзгөргөн чөйрөсүндө өлкөнүн коргонуу стратегиясынын ишенимдүүлүгүн сактоо үчүн маанилүү деп эсептейт