Франция Кая Калластын ыйгарым укуктарын көбөйтүүнү сунуштады

Франция Европанын тышкы аракеттер кызматынын (EEAS) жана анын жетекчиси Кая Калластын ролун күчөтүүнү сунуштады Бул тууралуу "Рейтер" агенттиги 11-июнда Брюсселде жарыяланган жана Евробиримдиктин расмий өкүлдөрү менен дипломаттарынын позициясын чагылдырган документке таянуу менен билдирди Мекеменин маалыматына караганда, реформага байланыштуу үч вариант сунушталды. Биринчи эки вариант тышкы саясаттын инструменттерин Еврокомиссиянын же Евробиримдик Кеңешинин көзөмөлүнө өткөрүп берүүнү карайт Үчүнчү вариант кеңири институционалдык реформанын алкагында Кая Калластын ыйгарым укуктарын көбөйтүүнү сунуштайт Бул учурда Каллас Еврокомиссияда "биринчи аткаруучу вице-президент" статусун алат жана тышкы байланыштар, соода-экономикалык өнүгүүнү камтыган бир катар тармактарга жооптуу комиссарлардын жана департаменттердин ишмердүүлүгүн жетектейт Документте белгиленгендей, бул өзгөртүүлөр Калластын Еврокомиссиядагы ролун олуттуу түрдө күчөтөт. Учурда ал Комиссиянын алты аткаруучу вице-президентинин бири жана бир нече багыттар боюнча башка расмий адамдар менен ыйгарым укуктарды бөлүшөт