Ооганстан менен Пакистан чыңалууну басаңдатууну макулдашты

Үрүмчүдө Кытай, Ооганстан жана Пакистандын ортомчулугу менен өткөн консультацияларда пикир келишпестиктерди мүмкүн болушунча тезирээк чечүүгө жана чыңалууну күчөтө турган кадамдардан баш тартууга макулдашты Бул тууралуу Кытайдын Тышкы иштер министрлигинин расмий өкүлү Мао Нин брифингде билдирди, деп маалымдайт 525.az "1-апрелден 7-апрелге чейин Кытай, Ооганстан жана Пакистандын өкүлдөрү Үрүмчүдө бир катар бейрасмий жолугушууларды өткөрүштү. Тараптар пикир келишпестиктерди диалог жана кеңешүү жолу менен чечүүгө ынтызар экендиктерин ырастап, кырдаалды курчутуу боюнча кадамдарды жасабоого убада беришти", — деди дипломат Анын айтымында, сүйлөшүүлөргө делегациялар, анын ичинде дипломатиялык, коргоо жана коопсуздук мекемелеринин өкүлдөрү катышты. Ал кошумчалагандай, «Үрүмчү процессинин» катышуучулары диалогду топтолуп калган көйгөйлөрдү чечүүнүн бирден бир реалдуу жолу катары кабыл алышкан ТИМ өкүлүнүн айтымында, консультациялардын жүрүшүндө делегациялар Ооганстан-Пакистан мамилелерин комплекстүү чечүү жолдорун талкуулап, артыкчылыктуу чечимдерди талап кылган негизги маселелерди аныкташты. Кытай мындан ары диалог үчүн аянтча түзүп, аймактагы практикалык кызматташтыкты чыңдоого жардам берет 26-февралда Пакистан-Ооган чек арасында кайрадан салгылашуулар башталды. Кабул Пакистан Ооганстандын аймагына акыркы аба соккуларына жооп иретинде аскердик операция өткөргөнүн жарыялады