Филиппиндеги жер титирөөдөн каза болгондордун саны 37ге жетти

Philstar гезитинин өкмөт өкүлдөрүнүн билдирүүсүнө таянган кабарына караганда, Сарангани провинциясынын Сокксксарген аймагында Каблан районунун 26 километр түштүк-батышында кечээ болгон 7,8 баллдык жер титирөөдө 37 киши каза болду Жер титирөөдө 456 адам жаракат алып, 4 адам дайынсыз жоголду, 77 миң 186 адам жер титирөөдөн жабыр тартты Бийликтер каза болгондордун көбү кыйраган имараттардан түшкөн таштандылардан болгонун жарыялашты Жер титирөөдө жол жана көпүрөлөрдүн жарактан чыкканын белгилеген жетекчилер, алгачкы жыйынтыктарга караганда 1889 үй жарактан чыгып, алардын 1500гө жакыны толугу менен кыйраганын билдиришти Зыяндын оордугунан улам реабилитация процессинин канча убакытка созулары белгисиз экенин баса белгилеген бийликтер, издөө, куткаруу жана урандыларды чыгаруу иштеринин уланып жатканын билдирди Бийлик азык-түлүк жана суу ресурстары жетиштүү экенин, электр чубалгылары бузулгандыктан күйүүчү май менен генераторлор ооруканаларга жөнөтүлгөнүн билдирди Жетекчилер Женерал Сантос аэропортунун да жер титирөөдөн жабыркаганын, ошондуктан кээ бир каттамдардын токтотулгандыгын же башка аэропортторго бурулгандыгын билдирди Жер титирөө жана кыйроолордон улам үйлөрүнө келе албаган жер титирөөдөн жабыркагандар үчүн чатыр шаар куруунун бааланганын белгилеген жетекчилер, коопсуздук үчүн көп сандаган кишинин ачык аянтта калууну улантканын белгиледи Филиппиндин Минданао аймагында жер титирөө болду АКШнын Геологиялык кызматынын (USGS) билдирүүсүнө караганда, кечээ Сарангаи провинциясынын Сокксксарген аймагындагы Каблан районунан 26 километр түштүк-батышта күчү 7,8 баллга жеткен жер титирөө катталды USGS жер титирөөнүн 55,2 километр тереңдикте болгонун жарыялады Жер титирөөдөн кийин күчү 4,6-6,5 баллга жеткен көптөгөн жер титирөөлөр катталган Филиппиндин президенти Кенже Фердинанд Маркос цунамиден аялуу аймактардагы жарандарды дароо бийик аймактарга көчүүгө чакырды Филиппиндеги жер титирөөдөн кийин Тынч океандын жээктеринде цунами коркунучу тууралуу эскертүү берилди Ири масштабдуу жер титирөөлөр Филиппинде көп кездешет, ал жер титирөө жана "Тынч океандагы оттун шакеги" деп аталган жанар тоо тилкесинде жайгашкан