Европа өлкөлөрү отурукташкандар үчүн Израилге каршы жаңы санкцияларды даярдап жатышат

Франция баш болгон бир катар Европа өлкөлөрү Батыш Шериадагы отурукташуучулардын ишмердүүлүгүнө байланыштуу Израилге каршы жаңы санкцияларды жакынкы күндөрү жарыялайт. Бул тууралуу Reuters агенттиги европалык чиновниктерге шилтеме берүү менен билдирди Агенттиктин маалыматына караганда, Евробиримдикте Израилге каршы катаал чаралар боюнча бирдиктүү позиция жок болгондуктан, өлкөлөр улуттук деңгээлде аракеттенүүнү чечишти «Европа Биримдигинде Израилге каршы катаал чараларды көрүү аракеттерине бөгөт коюлгандыктан, бир катар өлкөлөр макулдашылган улуттук санкциялар азыркы учурда эң жакшы вариант деген тыянакка келишти», - деп айтылат материалда Белгиленгендей, Иордан дарыясынын батыш жээгиндеги зордук-зомбулукка байланышы бар адамдарга каршы санкциялар Франция тарабынан жигердүү колдоого алынууда. Париж өз пландарын башка өлкөлөр, анын ичинде Улуу Британия жана Норвегия менен координациялоодо Француз расмийлери ушундай жол менен АКШ менен Ирандын ортосундагы жаңжалдын, ошондой эле Израилдин Ливандагы аскерий кампаниясынын фонунда Палестина маселесин эл аралык күн тартибинде калтырууну каалап жатышканын айтышты Май айында Европа Биримдиги Израилдин отурукташуу иш-чараларынын алкагында Батыш Шериада палестиналыктардын укуктарын бузууга катышкан бир катар адамдарга жана уюмдарга каршы санкцияларды киргизген Израилдин Батыш Жээктеги конуштарды куруу саясаты Израилдин эл аралык коомчулук жана Палестина бийлиги менен болгон мамилесиндеги негизги маселелердин бири бойдон калууда. Палестиналыктар муну Израилдин Палестина аймактарында болушун бекемдөө катары карашууда