Евровидениедеги Израил дебат: "Биз добуштарга абдан кылдат көз салып жатабыз"

Израилдин 2026-жылдагы Евровидение ыр сынагынын финалына катышуусуна байланыштуу талкуулар уланып жатканда, уюштуруучулар добуш берүү системасы "абдан, өтө кылдаттык менен көзөмөлдөнүп жатат" деп билдирүү жасашты Израилдин былтыркы сынактын жыйынтыгына таасир эте алабы деген кооптонуулар айтылды Кээ бир маалымат каражаттары Израил өкмөтүнүн социалдык медиа аккаунттарындагы адамдарды бир нече жолу добуш берүүгө үндөгөн билдирүүлөр жыйынтыкка таасир эткен болушу мүмкүн деп божомолдошот Австриянын Вена шаарында уланып жаткан сынактын директору Мартин Грин Би-Би-Сиге: «Кээ бир телерадио уюмдары тарабынан жасалган кээ бир жарнамалар бир аз пропорционалдуу эмес» деген пикирге кошулганын айтты Бул быйылкы иш-чарага добуш берүүнүн жол-жоболорун карап чыгууга алып келди Мартин Гриндин айтымында, эрежелерди бузгандар "жакыныраак каралат" Сынакты уюштурган Европа телерадиоберүү биримдиги (EBU) өткөн дем алыш күндөрү израилдик атаандашы Ноам Беттан тарапкерлерине "Израилге 10 жолу добуш бергиле" деген видеолорду жарыялагандан кийин Израилдин коомдук телеканалына расмий эскертүү жасады Евровидение бул постторду "жарыштын рухуна туура келбейт" деп алып салууну суранды Беттандын жүрүм-туруму анын дисквалификациясына алып келиши мүмкүнбү деген суроого Грин мындай деди: "Биз бул жерден бир топ алыспыз" Би-Би-Сиге сүйлөп жатып, Грин улантты: "Эгерде кандайдыр бир көйгөй жаралса, биз диалогду баштап, аны санкцияларга барбастан, тынчтык жолу менен чечүүгө аракет кылабыз. Кандайдыр бир деңгээлде биз дүйнөгө [жаңжалды] биргелешип чече аларыбызды үйрөтөбүз деп үмүттөнөбүз" 12-май шейшемби күнү кечинде өткөн Евровидениенин биринчи жарым финалында Израил финалга жолдомо алган 10 катышуучунун арасында болду Бирок жарым финал үчүн добуш берүү маалыматтары негизги мелдеш аяктамайынча жарыяланбайт Өткөн жылдагы жыйынтыктар Израил ырдын композициялык сапаттарына жараша баа берген улуттук калыстар тобунан 60 гана упай алганына карабастан, коомдук добуш берүүнүн жыйынтыгында биринчиликке жеткенден кийин суроолорду жаратты Израил элден 83% упай алса, сынактын жеңүүчүсү Австрия 41% гана элден алган Маалымат каражаттарынын жазганына караганда, Израил өкмөтүндө иштеген жарнамалык агенттик интернетте жарнама жасап, социалдык тармактардын колдонуучуларын израилдик ырды колдоого үндөп, кантип 20 жолу добуш бере аларын көрсөткөн Европа телерадиоберүү биримдиги мыйзам бузуулар боюнча эч кандай далил таппаганын билдирди, бирок 2025-жылдын ноябрында жаңы эрежелерди бекиткен, алар добуш берүү чектөөсүн 10го чейин кыскартууну жана үчүнчү тараптардын, анын ичинде өкмөттөрдүн "пропорционалдуу эмес пиар өнөктүгүнө" бөгөт коюуну камтыган Кошумчалай кетсек, онлайн добуш берген адамдар добуш берип жаткан өлкөнү ырастоо үчүн кредиттик карта маалыматын бериши керек Сынактын жарым финалдык баскычында да калыстар тобунун добуштарын эсептөө кайтып келди. Бул добуштар 2022-жылы Италиянын Турин шаарында өткөн сынакта алты калыстардын добуштарын алмашканы аныкталгандан кийин алынып салынган Буга карабастан, сынактын директору Мартин Грин, азыркы система комплекстүү түрдө каралса ишенимдүү экенин айтат: «Биз абдан ырааттуубуз. Бизде дүйнөдөгү эң мыкты референдум системаларынын бири бар. Бул система адилет, так жана коопсуз. Адамдар каалаганын жасаганга аракет кыла алышат. Бул эч нерсени өзгөртпөйт» Буга чейин 2021-жылкы Лондон Олимпиадасынын аземдерин жетектеген Мартин Грин 2024-жылдан бери Евровидение сынагынын директору болуп келген Гриндин кызматында турганда Евровидение Израилдин Газадагы жана Жакынкы Чыгыштагы аскерий аракеттерине каршы чыккан сынактын катышуучуларынын жана көрүүчүлөрдүн нааразычылыгына туш болгон Өткөн жылдын ноябрында Израилдин талапкерлигин токтотуу аракетинен кийин, беш телерадиокомпания 2026-жылы сынакка бойкот жарыялашкан Алардын арасында өкмөттөрү Израилдин аракеттерин эң катаал сындагандардын бири болгон Испания, Нидерландия жана Ирландияда жайгашкан телерадиокомпаниялар бар Венадагы биринчи жарым финалга аз калганда сүйлөп жатып, Грин телерадиокомпаниялар кайтып келет деп үмүттөнөрүн айтты: «Бул жерде биздин үй-бүлөбүздүн 35 мүчөсү бар жана бул чоң той өткөрүүгө жетиштүү. Бирок билесиңер, беш [мүчөлө] жок, биз аларды сагындык "Мен билем, мелдеш аяктагандан кийин диалогду кайра баштайбыз. Эмне болорун көрөбүз."