Евробиримдик Украина менен Молдованын кошулуусу боюнча сүйлөшүүлөрдү Венгриянын ветосу алынгандан кийин баштады

Евробиримдик Украина менен Молдованын кошулуусу боюнча сүйлөшүүлөрдү 15-июнда расмий баштайт. Бул тууралуу Еврокомиссиянын төрагасы Урсула фон дер Лейен менен Еврокеңештин башчысы Антонио Коста Венгрия сүйлөшүү процессинин башталышына коюлган ветосун алып салгандан кийин билдирди, деп жазат DW Европа лидерлеринин айтымында, Евробиримдикке мүчө бардык өлкөлөр Киев жана Кишинев менен биринчи сүйлөшүү кластерин ачууга макул болушту "Бул эки өлкөнүн тең чоң карама-каршылыктарга карабай реформаны жүргүзүүдө көрсөткөн чечкиндүүлүгүн, кайраттуулугун жана эмгекчилдигин таануу", - деп айтылат биргелешкен билдирүүдө Брюссель ошондой эле Европа Биримдигинин мындан аркы кеңейиши глобалдык белгисиздиктин фонунда европалык мамлекеттердин кызыкчылыктарына жооп берген стратегиялык чечим экенин баса белгиледи Учурда Евробиримдиктин Кеңешине төрагалык кылып жаткан Кипрдин өкүлчүлүгүнүн айтымында, Венгрия сүйлөшүүлөргө бөгөт коюудан баш тарткандан кийин даярдык баскычы аяктаган. ЕБ өлкөлөрү процесстин кийинки этабына өтүүгө мүмкүндүк берген биринчи сүйлөшүү кластери боюнча бирдиктүү позицияны макулдашты Сүйлөшүүлөрдүн биринчи блогу мыйзам үстөмдүгү, демократия, адам укуктары жана талапкер мамлекеттер бөлүшүүгө тийиш болгон башка негизги баалуулуктарга арналган. Жалпысынан сүйлөшүүлөр алты кластерде, анын ичинде ондогон тематикалык секцияларда өтөт Сүйлөшүү процессинин бардык этаптары аяктагандан кийин, жаңы мамлекеттердин кошулуусу боюнча чечим Евробиримдикке мүчө 27 өлкө тарабынан бекитилип, ратификацияланышы керек Расмий түрдө Украина менен Молдованын Евробиримдикке кошулуусу боюнча сүйлөшүүлөр 2024-жылдын июнь айында башталган. Бирок Венгриянын мурунку өкмөтүнүн позициясынан улам алардын расмий жылдырылышына тоскоолдуктар болгон. Ошол эле учурда тараптардын консультациялары эксперттик деңгээлде улантылды Венгриянын жаңы премьер-министри Петер Мадьяр бийликке келгенден кийин абал өзгөрдү. Өткөн аптада ал Украина менен венгр азчылыгынын укуктарын коргоо боюнча келишимдерге жетишилгенин, андан кийин Будапешт сүйлөшүүлөрдүн башталышына каршы пикирин кайтарып алганын жарыялаган