Арменияга 50 миллион евродон ашык жардам бөлүнгөн

Евробиримдик (ЕБ) Орусиянын экономикалык кысымынын фонунда Арменияга 50 миллион евродон ашык каржылык колдоо пакетин даярдап жатат Бул тууралуу Еврокомиссиянын (ЕК) башчысы Урсула фон дер Лейен Армениянын премьер-министри Никол Пашинян менен телефон аркылуу сүйлөшкөндөн кийин билдирди Фон дер Лейен Москванын кадамдарын “экономикалык мажбурлоо” деп атап, Европа Армениянын жанында экенин баса белгиледи. Жардам пакети чукул каржылык колдоодон тышкары, армян азыктарынын, анын ичинде айыл чарбасынын соодасын жөнөкөйлөтүү чараларын камтыйт. Жабыркаган тармактарга, өзгөчө гүл чарбаларына даректүү жардамдар көрсөтүлөт. Арменияда өстүрүлгөн 10 000 гүлдүн биринчи партиясы эртең Латвияга келип, жергиликтүү базарда сатылат Узак мөөнөттүү перспективада Европа Арменияны аймактагы стратегиялык транспорттук борборго айландырууну көздөйт. Демилгелерди координациялоо үчүн 23-июнда биргелешкен жумушчу топ түзүлөт. Белгилей кетсек, буга чейин Евробиримдик Арменияга визаны либералдаштыруу процесси үчүн 2,2 миллион евро убада кылган