Элнура Дүйшекеева: Муниципалитеттер глобалдык диалогдо өнөктөш болушу керек

Климаттын өзгөрүшү жана өкмөткө болгон ишенимдин төмөндөшү ар бир өлкө үчүн олуттуу чакырык болуп саналат Бул тууралуу Бишкек шаардык кеңешинин депутаты Элнура Дүйшекеева Бакуда өтүп жаткан Бүткүл дүйнөлүк шаар форумунун (WUF13) 13-сессиясынын алкагында өткөн жергиликтүү жана аймактык бийликтердин Бүткүл дүйнөлүк ассамблеясында билдирди Ал белгилегендей, көйгөйлөрдү чечүү үчүн негизги жоопкерчилик жергиликтүү жана аймактык башкаруу органдарына жүктөлөт Анын айтымында, бүгүнкү күндө муниципалитеттер чечимдердин аткаруучусу гана боло албайт: «Алар (муниципалитеттер - ред.) глобалдык диалогдун толук кандуу катышуучулары, туруктуу келечекти жана көп деңгээлдүү башкаруунун жаңы моделин калыптандыруу боюнча өнөктөштөр болууга тийиш» Ал белгилегендей, учурда Кыргызстанда жарандардын жашоо сапатын жакшыртууга багытталган бир катар демилгелер ишке ашырылууда. Алардын арасында жеткиликтүү турак жайды өнүктүрүү, шаардык инфраструктураны модернизациялоо, мамлекеттик жана муниципалдык кызматтарды санариптештирүү, аймактарды колдоо жана бюджеттик процесстин ачык-айкындуулугун жогорулатуу кирет. «Шаарларды жана айылдарды туруктуу өнүктүрүүгө, экологиялык коопсуздукка, калктын социалдык кызматтарга жеткиликтүүлүгүн кеңейтүүгө, ошондой эле мамлекеттик жана жергиликтүү бийлик органдарынын ортосундагы кызматташтыкты чыңдоого өзгөчө көңүл бурулууда», - деп кошумчалады Элнура Дүйшекеева