Россиянын түштүгүндөгү экологиялык кырсык - жаңыртылган 21:46

Украинанын куралдуу күчтөрүнүн Туапседеги мунай иштетүүчү заводго чабуулунан кийин пайда болгон мунай булуту буга чейин Сочи, Ставрополь жана Армавирди каптап, Анапага жеткен Туапседе “майлуу жамгыр” жаады – көчөлөр мазут менен капталган, деп жазат телеграм каналдары pic.twitter.com/YNtIcqpyBm 23-апрель, бейшемби күнү Краснодар крайынын оперативдүү штабы Туапсе шаарынын тургундарына үйлөрүнөн зарылчылык болбосо жана терезелерди ачпоону сунуштады: Роспотребнадзор абада бензолдун, ксилолдун жана көөнүн уруксат берилген максималдуу концентрациясынан эки-үч эсеге ашып кеткенин каттады Тургундарга нымдуу тазалоону бат-баттан жүргүзүү, мурунду, көздү, тамакты жууп, көчөгө чыкканда беткап тагынуу сунушталат. Украиналык учкучсуз учактын чабуулунан кийин чыккан деңиз терминалындагы өрт үчүнчү күндөн бери уланууда. Шаар тургундарына эскертүүдө "22-апрелде шаарда жааган жамгырдан улам атмосферага күйүү продуктулары кирип, беттерге кара жабын пайда болуп жатканы" айтылат. Мындан тышкары, тургундарга көз айнек үчүн контакт линзаларынан баш тартуу, мурунду, көздү жана тамакты чайкоо жана тамеки тартпоо сунушталат Туапсе портундагы мунай терминалына 20-апрелге караган түнү украиналык учкучсуз учактар тарабынан кол салуу болду.Украинанын Куралдуу күчтөрүнүн Башкы штабы учкучсуз учактардын бутасы деңиз терминалы менен бирдиктүү өндүрүш комплексин түзгөн Туапсе мунай иштетүүчү заводу болгонун билдирди. Кол салуудан кийин катуу өрт башталып, үчүнчү күндөн бери өчүрүлүүдө 20-апрелде Кара деңизде Туапсе портуна жакын жерде аянты 10 миң чарчы метрге жакын мунай калдыктары табылган. Бийликтер булганууну тазалоо үчүн бумдарды иштетип, алты кеме алып келишти. Ушундай эле иштер Туапсе дарыясынын куйган жеринде да жүргүзүлүүдө