Эду жана вазелин. Кармалган коопсуздук кызматкерлери СИЗОго камоо мөөнөтүн узартышты

УКМКнын Бишкек шаары боюнча мурдагы жетекчиси, “Эду” каймана аты бар Эльдар Жакыпбеков менен башкармалыктын Чүй облусу боюнча мурдагы кызматкери, “Вазелин” каймана аты бар Улана К.нын Бишкектеги №1 СИЗОдо камактагы мөөнөтү 15-июнга чейин узартылды Буга чейин Аскер прокуратурасы Жакыпбековго "Коррупция" беренеси боюнча иш козгоп, ал жеке баюу менен алектенген башкармалыктын кызматкерлеринен турган топ түзгөн деп шектелүүдө 10-февралда УКМКнын башчысы кызматын аркалап келген Камчыбек Ташиев кызматынан бошотулду; анын үч орун басары кийин кызматтарынан ажыратылган Ташиев кызматтан алынгандан кийин Башкы прокуратурага ведомство кызматкерлеринин мыйзамсыз аракеттери боюнча 386 арыз, анын ичинде ишкерлерден келип түшкөн. Башкы прокурор Максат Асаналиев Аскер прокуратурасы УКМКнын кызматкерлери тарабынан коррупция боюнча 18 кылмыш ишин иликтеп жатканын билдирди. Шектүү сегиз киши камакта, бирөө үй камагында "Кустуризация деп аталган иштин алкагында УКМКнын айрым кызматкерлери ыйгарым укуктарынан аша чаап, жарандардын мүлкүн менчиктеп алышкан. Бул боюнча дыкат иликтөө жүргүзүү зарыл", — деди башкы прокурор Көрүнүп тургандай, ал Эльдар Жакыпбеков жана анын айланасындагылар тууралуу айтып жаткан. Жакыпбеков менен «Васелинден» тышкары темендегулер кармалды Ошондой эле Чүй облусунун ички иштер башкы башкармалыгынын өздүк курамынын башчысы Руфат Абдуразаков да кызматынан бошотулду; ал Жакыпбековдун эжесинин күйөөсү. Жакыпбековдун досу, Бишкектин Биринчи Май РИИБинин башчысынын ыкчам иштер боюнча орун басары Айзатбек Учбаев да кызматынан бошотулду Ал эми 12-апрелде Ташиевдин мурдагы орун басары Даниел Рысалиев кармалып, андан соң үй камагына чыгарылган. Рысалиевден тышкары Ысык-Көл облусу боюнча 6-башкармалыгынын мурдагы жетекчиси жана УКМКнын борбордук аппаратынын азыркы кызматкери кармалды. Алдын ала маалыматтар боюнча, алар "Коррупция" беренеси менен кармалган ишкердин опузалап акча талап кылгандыгы боюнча арызынан кийин 13-апрелде УКМКнын Нарын облусу боюнча башкармалыгынын мурдагы орун басары жана УКМКнын бир нече бөлүм башчылары, анын ичинде кибералдамчылыкка каршы күрөшүү башкармалыгынын башчысы, Коррупцияга каршы күрөшүү башкармалыгынын экс-жетекчиси кармалды Ташиевдин дагы бир орун басары Тимур Шабданбеков да кармалган. Ал "Кызматтык абалынан кыянаттык менен пайдалануу" беренеси боюнча шектелүүдө