ЕӨБ Тажикстандагы Лабижар – Калаихумб автожолунун долбоорун каржылайт

ДУШАНБЕ, Тажикстан, 23-май. Евразия өнүктүрүү банкы (ЕӨБ) менен Тажикстан Республикасынын Финансы министрлиги Лабижар-Калайихумб автожолунун биринчи бөлүгүн куруу боюнча каржылык макулдашууга кол коюшту Документке ЕӨБнын Тажикстан Республикасы боюнча директору Владимир Якунин жана Тажикстандын каржы министри Каххорзода Файзиддин кол коюшту Кол коюлган келишимге ылайык, ЕӨБ Тажикстанга жалпы суммасы 18,5 миллион долларлык жеңилдетилген каржылоону берет. Бул суммага 17 миллион доллар кредиттик каражат жана 1,5 миллион доллар максаттуу грант кирет Каражат автожолдун 10 чакырымдык бөлүгүн курууга жана реконструкциялоого, ошондой эле үч көпүрөнү курууга жумшалат. Долбоорду ишке ашыруу жүк ташуунун коопсуздугун жогорулатуу, тоолуу аймактарда транспорттун жеткиликтүүлүгүн жакшыртуу, өлкөнүн аймактарында сооданы, ишкердикти жана инвестицияны өнүктүрүү үчүн шарттарды түзүү максатында иштелип чыккан Долбоор өлкөнүн транспорттук инфраструктурасын өнүктүрүүгө жана Республикалык баш ийген райондор менен Тоолуу Бадахшан автономиялык облусунун ортосундагы байланышты чыңдоого багытталган