Жалал-Абад: автовокзалдын курулушунда мыйзам бузуулар аныкталды -

Курулуш, архитектура жана турак жай-коммуналдык чарба министрлигине караштуу Мамлекеттик архитектура-курулуш көзөмөл департаменти облустагы курулуш объектилерин такай көзөмөлдөп турат Контролдук иш-чаралардын алкагында Жалал-Абад облусунун Манас шаарындагы Аттокуров көчөсүндө жайгашкан муниципалдык базардын жана автобекеттин курулушуна текшерүү жүргүзүлдү Текшерүүнүн жүрүшүндө автобекеттин аймагына асфальт-бетон төшөлмөсүн орнотууда базанын биринчи катмары талаптагыдай ныкталбаганы (ныкталганы) аныкталган. Мындан тышкары имараттын чатырын жабуу иштеринде кемчиликтер аныкталган. Бул фактылар курулуш нормаларынын жана эрежелеринин талаптарынын сакталбагандыгын көрсөтүп турат Текшерүүнүн жыйынтыгы менен «Тянь Вэйго» ЖЧКсына карата тиешелүү акт түзүлүп, жазуу жүзүндө эскертүү берилди Мамлекеттик архитектура-курулуш көзөмөл башкармалыгы курулуш ишмердүүлүгүнүн бардык субъекттерин мыйзамдардын, курулуш нормаларынын жана долбоордук документтердин талаптарын так сактоого чакырат