Түркстан облусунда эки бала сууга чөгүп каза болду

Кырсык Түркстан облусунун Енбекши айылында болгон. Алдын ала маалыматтар боюнча, 2013-жылы жана 2018-жылы туулган эки бала чоңдордун көзөмөлүсүз калып, ойноп жүрүп Ошакта сугат каналына катуу агым менен агып кеткен «Издөө иштерине Түркстан облусунун Өзгөчө кырдаалдар башкармалыгынын, ИИМдин күч жана каражаттары жана 73 адамдан турган куткаруу отрядынын 11 даана техникасы жана эки суу унаасы тартылган», - деп билдирди облустук өзгөчө кырдаалдар бөлүмүнүн инженери, жарандык коргонуунун подполковниги Фуркат Жолдасов Издөө иштери күнү-түнү жүргүзүлдү. 31-майда куткаруучулар эң кичүүсү, сегиз жаштагы баланы суудан таап, алып чыгышкан. Эртеси 2013-жылы туулган экинчи баланын жансыз денеси табылган Өзгөчө кырдаалдар башкармалыгынын маалыматы боюнча, 2026-жылдын башынан бери Түркстан облусунда 16 адам сууга чөгүп каза болсо, каза болгондордун 12си жашы жете элек өспүрүмдөр. Каргашалуу окуядан кийин ата-энелерге суудагы коопсуздук эрежелери дагы бир жолу эскертилди «Өзгөчө кырдаалдар министрлиги ата-энелерди балдарын кароосуз калтырбоого жана суу сактагычтарга жана каналдарга жакын жерде коопсуздук эрежелерин так сактоого чакырат», - деп айтылат маалыматта Буга чейин Акмола облусунда бир суткада балдардын катышуусунда суу сактагычтарда эки окуя катталганы маалымдалган. Алардын биринде 10 жаштагы бала каза болгон