Түндүк-Түштүк альтернативалык унаа жолунда унаа кыймылы жарым-жартылай ачык

Түндүк-Түштүк альтернативдик унаа жолунун 271-чакырымында таш кулоонун кесепеттерин жоюу иштери толугу менен аяктады. Бул тууралуу Кыргызстандын Транспорт жана коммуникация министрлиги билдирди Ошол эле учурда 243-чакырымдан 280-чакырымга чейинки тилкелерде да таш кулаган. Учурда No18 Жол тейлөө ишканасынын кызматкерлери атайын техникалар менен жолду тазалоо иштерин улантышууда. Учурда жол кыймылы бир тилкеде жүргүзүлүп, өтүү камсыздалган Кененирээк маалымат кийинчерээк берилет Белгилей кетсек, 4-июнь күнү саат 17:30дар чамасында Түндүк-Түштүк альтернативдик унаа жолунун 270-271-чакырымында чоң таш кулап, андан улам унаа кыймылы убактылуу токтотулган