«Казцинк» ишканасында чыккан өрттөн эки адам каза болду

"Бүгүн эртең менен Усть-Каменогорск металлургиялык участогунун аймагында авариялык кырдаал түзүлдү. Алдын ала маалыматтар боюнча, тазалоо иштеринин жүрүшүндө чаң тазалоочу системада жарылуу болуп, анын кесепетинен өрт чыгып, курулуштар жарым-жартылай кулаган. Окуянын кесепетинен эки адам каза болуп, бешөө жарадар болгон. Жабыркагандарга бардык керектүү медициналык жардам көрсөтүлгөн", - деп айтылат маалыматта Ошондой эле окуя болгон жерде өзгөчө кырдаалдар кызматы иштеп, кесепеттерин жоюу иштери жүрүп жатканы кабарланды. Тергөө үчүн атайын комиссия түзүлдү. Окуянын себептери жана жагдайлары текшерүүнүн жыйынтыгы боюнча аныкталат "Компания курман болгондордун үй-бүлөлөрүнө жана жакындарына терең кайгыруу менен көңүл айтат. Каза болгондордун үй-бүлөлөрүнө жана жабыркагандарга бардык зарыл колдоолор, анын ичинде материалдык жана психологиялык жардам көрсөтүлөт", — деп айтылат Казцинктин билдирүүсүндө