ИИМ: “Акыркы коңгуроо” күнүнө карата өткөрүлгөн иш-чараларда олуттуу мыйзамсыз жагдайлардын алдын алынды

Республиканын бардык билим берүү мекемелеринде өткөрүлгөн «Акыркы коңгуроо» иш-чаралары коомдук тартиптин жана коопсуздуктун жогорку деңгээлдеги шартында жыйынтыкталды ИИМдин басма сөз кызматы билдиргендей, ИИМдин тиешелүү мекемелери тарабынан алдын ала даярдалган коопсуздук планына ылайык, борбордо жана аймактарда милиция бөлүмчөлөрүнүн саны көбөйтүлүп, мектептердин айланасында жана бүтүрүүчүлөр көп чогулган аймактарда кызмат көрсөтүү күчөтүлгөн режимде уюштурулду Маалым болгондой, милиция кызматкерлери тарабынан жол кыймылынын коопсуздугун камсыздоо, токтоо эрежелерин көзөмөлдөө жана бүтүрүүчүлөрдүн жана башка жарандардын тоскоолдуксуз жүрүшүн уюштуруу боюнча зарыл чаралар көрүлдү. Ошону менен бирге транспорт каражаттарын башкарууга укугу жок адамдардын айдоосуна каршы профилактикалык контролдук иш-чаралар өткөрүлдү «Жүргүзүлгөн комплекстүү иш-чаралардын натыйжасында «Акыркы коңгуроо» күнүнө карата өткөрүлгөн иш-чаралардын жүрүшүндө коомдук тартиптин бузулушуна, одоно мыйзам бузууларга бөгөт коюлуп, бүтүрүүчүлөр бул атактуу күндү коопсуз шартта белгилешти Ички иштер министрлиги коомдук коопсуздукту камсыздоодо, мыйзамдардын талаптарын сактоодо жана милиция кызматкерлери менен кызматташууда колдоо көрсөткөн ата-энелерге, билим берүү жамаатына, мектеп жамаатына жана жарандарга ыраазычылык билдирет Ошону менен бирге министрлик бүтүрүүчүлөрдү өмүрүнүн маанилүү этабы менен куттуктап, келечектеги окуу жана кесиптик ишмердигине ийгиликтерди каалайт», - деп кошумчалады ал Аларды колдонууда сайттагы материалдарга кайрылуу маанилүү. Веб-баракчаларда маалымат колдонулганда, гипершилтеме менен шилтеме милдеттүү болуп саналат