Депутат: Интернет шылуундар бир күндө банктан 20 миллион сом чыгарып салышты

Бүгүн, 16-июнда Жогорку Кеңештин Каржы, бюджет, ишкердүүлүк жана атаандаштыкты өнүктүрүү боюнча комитетинин жыйынында депутат Таалайбек Сарыбашов интернет шылуундар бир күндө банктан 20 миллион сом чыгарып салышты Ал банктын атын атаган жок, бирок бул өткөн аптада болгонун жана каржы институту "жаңы эле бутуна туруп" жатканын белгиледи "Учурда тергөө амалдары жүрүп жатат. Бир күндө 20 миллионду чыгарып коюшту! Чоң компания болгондо балким мынчалык байкалбайт болчу. Бул 200 миң сом эмес, 200 доллар эмес", — деген депутат мындай абал банктын өзүнүн кемчиликтеринен улам келип чыгышы мүмкүн экенин айтты. Буга байланыштуу ал Улуттук банкты коммерциялык банктарды көзөмөлдөөгө чакырды