Депутат Жапалактын жанындагы таштанды төгүүчү жайды жыт жана медициналык таштандылардан улам текшерүүнү суранды

Turmush - Оштун Жапалак айылына жакын жерде жайгашкан таштанды таштоочу жайдын санитардык абалына тургундар нааразы болушууда, деп билдирди депутат Бекмурза Эргешов 10-июнда Жогорку Кеңештин жыйынында Анын айтымында, бул көйгөй социалдык түйүндөрдө кызуу талкууланып, жергиликтүү тургундардын кайрылуусуна да айланган: ар кандай таштандылар тиешелүү уруксат кагаздары жок полигонго ташылып, санитардык талаптар сакталган эмес Айрыкча ысык аба ырайында жагымсыз жыт чыгып, жакынкы конуштардын тургундарына бир топ ыңгайсыздыктарды жаратат», - дейт Эргешов Депутаттын айтымында, полигондун аймагында медициналык калдыктар сакталышы мүмкүн, алар атайын тартипте жок кылынышы керек деген маалымат түшүүдө Ал тиешелүү мамлекеттик жана жергиликтүү бийлик органдарынан санитардык, экологиялык жана коопсуздук талаптарынын сакталышын текшерип, кырдаалга көзөмөлдү күчөтүүнү суранды Депутат учурда Ош шаарында таштандыларды кайра иштетүүчү завод куруу иштери жүрүп жатканын, анын ишке ашырылышы келечекте таштандыларды башкаруу көйгөйүн толугу менен чече турганын айтты Эргешов ишкананы ишке киргизүүнүн алдында учурдагы таштанды таштоочу жайдагы санитардык-эпидемиологиялык абалды катуу көзөмөлгө алып, таштандыларды чыгаруу боюнча иш-чараларды жүргүзүүгө чакырды